منتـديـات مــزايـن - عاجل لكل من يعرف السبب لايبخل علينا ؟؟؟؟؟؟؟

صفحة 1 من 2

عرض 40 مشاركات من هذا الموضوع لكل صفحة

منتـديـات مــزايـن (http://www.mzayan.com/vb/index.php)

- عيادة مزاين البيطرية (http://www.mzayan.com/vb/forumdisplay.php?f=3)

- - عاجل لكل من يعرف السبب لايبخل علينا ؟؟؟؟؟؟؟ (http://www.mzayan.com/vb/showthread.php?t=19489)

فهد نافع الحربي

11 / 12 / 2009 56 : 11 PM

عاجل لكل من يعرف السبب لايبخل علينا ؟؟؟؟؟؟؟

مساء الخير لكل من قرا موضوعي هذا
اناعندي ناقة ام ثالث مجهم وغالية عندي وهدية المهم ولدت قبل شهر وتغير حالها ماعد اقدر احلبها الابرباط
الاسبوع الماضي قيدة رجليها واليوم الجمعة فكيت القيد قلت انه يودبها مع العلم اني ماضربتها بالعصاء
يوم فكيت القيد وهي درهم حاولت اردها تقول زعلانه تركتها تلحق البل يوم سرحن ركبت السيارة ولحقتها اشوفها من بعيد دخلت البل وهي بسرعتها هههههه قلت تهدا ولكن طلعت من البل ماوقفت وبنتها تبريها وزولت للبل والمهم رديتها
للعزبة وشبكة الحوار مادري وش اللي صاب الناقة هل هو من القيد ولاعين ولا ايش ماقد صار منها الشي هذا
الحل ايش

هذا ولكم فائق تقديري واحترامي

حمدان فهد البقمي

12 / 12 / 2009 36 : 01 AM

يمكن الراعي يضربها بالعصا

محمد ابو عدوة

12 / 12 / 2009 05 : 05 AM

مرحبا يابو نافع والوضع عادي بعضها يجفل ويستشيط ويركد واذا البل معها خلفات احسن وبتركد انشاء الله و يطيح مافي راسها .

فهد نافع الحربي

12 / 12 / 2009 49 : 10 AM

اقتباس:

المشاركة الأصلية كتبت بواسطة حمدان فهد البقمي (المشاركة 259096)

يمكن الراعي يضربها بالعصا

الراعي له خمس سنين معي ويعرف طبع البل وانا معلمه ويمكن انه يضربها لاعدمتك

فهد نافع الحربي

12 / 12 / 2009 53 : 10 AM

اقتباس:

المشاركة الأصلية كتبت بواسطة محمد ابو عدوة (المشاركة 259110)

يامرحبا اخوي محمد البل معها خلفتين لكن الوضع مع الناقة تغير صدقني غالية علي هالناقة وطبعها زين بس مادري وش صابها شاكر مرورك

صالح الدعيجي

13 / 12 / 2009 24 : 12 AM

اخي الكريم الناقه مستشيطه وجافله اكيد داخلن عليها احد غشيم ومطيرها . وحاول تاتيها با الهداوه وحاول تحاكك لها وتعطيها خبز ولا تحلبها لين تولف عليك مره ثانيه وترا بعض البل تبي طوووله بال .

وان مانفع فيها يمكن هي مصوبه فان جبلها قروه وعطها مع طلوع الشمس ومغيبها وان شالله تترجع ناقتك على خبرك الاول واحسن

بخيت البريدي

13 / 12 / 2009 05 : 07 AM

اخوي الغالي الخلفه مايروضها الى راعيها ولاهوب بالرباط غير بنبرة الصوت واذا حلب وهازته الناقه مايتروع ياخذ الامر عادي مره ومرتين وبدون رباط بتحلبها انشالله لكن خف يدك اول ثلاث مرات وبتشوف الفرق ..
انا سمعت شيبه من شيبانا يقول زمان اول والله انه لاتذكر الناقه الي تربط بحبل عند البدوي واليوم لاتذكر الناقه الهديه عند البدوي .. سئلته عن السبب قال هذا السبب من العماله الي عندنا وهم مايهمهم غير يشخب منها ويحلب اللبن اللي فيها بس واذا انت موجود شوف بعينك .. وسلامتكم

فهد نافع الحربي

13 / 12 / 2009 00 : 10 AM

اقتباس:

المشاركة الأصلية كتبت بواسطة صالح الدعيجي (المشاركة 259582)

هلا وغلا اخوي صالح مشكور الله يعطيك العافية لاعدمتك

فهد نافع الحربي

13 / 12 / 2009 01 : 10 AM

اقتباس:

المشاركة الأصلية كتبت بواسطة بخيت البريدي (المشاركة 259653)

تراحيب المطر اخوي بخيت مشكووووووووووور لاعدمتك

طلال بن عقاب

13 / 12 / 2009 31 : 11 AM

وعليكم السلام ورحمة 0000اخوي فهد تحصل مثل هالحالات عند الخلفات انا صارت عندي نفس الحاله وسالت فيها شيبانا قالوا اذا جاء البرد والخلفة عليها قل طعام وذره من البرد تجفل وتسير نحوس عند الحلب واذا دف الجو ترد الناقه الي طبيعتها وشكرا علي الاطاله

فهد نافع الحربي

13 / 12 / 2009 00 : 12 PM

اقتباس:

المشاركة الأصلية كتبت بواسطة طلال بن عقاب (المشاركة 259738)

يامرحبا ابوعقاب مشكور ياغالي لاعدمتك

طلال الروقي

13 / 12 / 2009 13 : 12 PM

رش ديس الناقة والناقة بما مقري فيه ..

فهد نافع الحربي

14 / 12 / 2009 29 : 12 PM

اقتباس:

المشاركة الأصلية كتبت بواسطة طلال الروقي (المشاركة 259752)

رش ديس الناقة والناقة بما مقري فيه ..

مساء الخير ومرحبا انشاء الله بجيب ماء مقري فيه شاكر مرور الكريم

عمار الجابري

16 / 12 / 2009 45 : 02 PM

[ العين حق الناقه حاول تصالحها بالخبز تراه يهبلها ويخليها تلين وتصير هديه

علي بن سالم الصقور

16 / 12 / 2009 31 : 09 PM

يمكن فيها مرض الطير لابد من كويها

الساعة الآن 24 : 07 PM بتوقيت مسقط

صفحة 1 من 2

عرض 40 مشاركات من هذا الموضوع لكل صفحة

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant