|
الشاعر الكبير بدر الحويفي الشاعر بدر بن عواد الحويفي الحربي من الشعار البارزين على مستوى الخليج العربي شاعر ابدع له اسلوبه الفذ شاعر يحب الطير والقنص حتى انه كتب كثير من القصائد عن الطير والقنص والربيع والبر ياللي طلبتـم نبـذة مـن قصيـدي عن واقع المفعول لا أنقص ولا ازيد انـا غرامـي وانبساطـي وعيـدي تفريعة القرناس بأرض بهـا صيـد لا شطب الصيحان روس الزبيـدي والعشـب جالـه بالمثانـي عناقيـد والبـدو مايبـدي لهـم بالشديـدي تسعيـن ليلـة ماحكـوا بالمواريـد ضيق بهـم در الغنـم والجميـدي مايشربـون إلا حليـب المجـاديـد والبل وبرها طار وأبـدل جديـدي وردوم على الفاطر سوات المجاليد من فضل ربي كـل يـوم تزيـدي قامـت عشايرهـا تسـن المفاريـد والفجر تسمـع للطيـور اتغريـدي ليل الشتاء طوله عليهـن سراميـد هذيـك والله منوتـي ياعضـيـدي لا جابها الله من صـدوق المواعيـد ماكفـه الديـر لرجـم المفـيـدي وذوب على خشم الخدار ومشاحيـد مجهود من نـو الجبـه السديـدي وحصل لها قبل العقـارب تماديـد غثوه على روس الشجر والهضيدي وساق وتساقـي للنفـود وتخاديـد وفيض على فيحان ريـف البعيـدي نبي لنـا بشعـاف لوقـه مطاريـد علـى اسـوق مقربـات البعيـدي من فوقهن يازيـن مـزح الأواليـد لا فـرع النـادر وطلعـه وكيـدي وحول على جول الحبارى تقل حيد وسلط على الخرب النشيط العنيدي حاسه وداسـه والحبـاري ملابيـد يقضي بها الصقـار يـوم جديـدي في ساعـة مابـه وجيـه مقاريـد هذا هـوى بالـي وهـذا رصيـدي سوق النظر بين السهال الجراهيـد لوكان من طـرد الولـع مستفيـدي فتق بقلبي واعـذروا يـا الأجاويـد نومي تحت طل النجـوم الجليـدي عـن كنـب ومنجـد زل تنجـيـد لو لامني خطـوا الغشيـم البليـدي طرد الولـع مابـه عليـه مناقيـد وشف الفياض المخضره يالحميـدي وشمة ذعاذيع الهـوى عندنـا عيـد وللكيف ذوق ولاستمـاع النشيـدي لا قلطـوا رسـلان والا بغـاديـد ثنتيـن هيـل وثالثتهـن عـويـدي وكل على ماتطلب النفـس وتريـد وقدوعهن من طلع هدب الجريـدي احسن نمونه من نما شـرع الغيـد وسوالـف ماقيـل فيهـا جحيـدي بالصيد لا نمـة ولا هـي هرابيـد ساعـات نقضيهـا ويـوم سعيـدي ولادامت الدنيا لعامـر وابـا زيـد الـدايـم الله والفـنـا للعـبـيـدي والرزق عند منـزل الـدر بالديـد محي الهشيم اللي عروقـه هميـدي رزاق ماتحت الصخـور الجلاميـد والله يدبـرنـا عـلـى مايـريـدي وصلوا على اللي وحد الدين توحيد الله هم صلي وسلم على محمد |
صح الساااااااااااان الشااعر الكبير بدر عواد الحويفي ولاهنت يابو مطلق على النقل المميز |
انـا غرامـي وانبساطـي وعيـدي=تفريعة القرناس بأرض بهـا صيـد صح الله لسان الشاعر العلم بدرالحويفي وسلمت يمينك على النقل الموفق |
صح الله لسان الشاعر بدر الحويفي ولاهنت على النقل المميز |
تسلم يا يوسف يا الي طلبتم نبذة من قصيدي عن واقع ا لمعقول لانقص ولا زيد. لشاعر بدر الحويفي شاعر معروف من فطاحلة الشعر ومن عشاق الصقور الفاخرة التي قلما توجد في عصرنا هذا*** ونتطلع منك المزيد ولك تحياتي |
انعم وكرم بـ شاعر وقبيلته لاهنت على النقل |
ولا انتم يالاخوان |
لاهنت على القصيده |
صح السانك |
صح لسان الشاعر العلم ولاهنت على النقل الفريد |
صح لسان الشاعر بدر الحويفي وبيض الله وجهك ولاهنت على ها القصيدة الاكثر من رائعة |
صح لسان الشاعر العلم الكبير لاهنت على النقل |
| الساعة الآن 19 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |