مسيووووم بــ 1000000000
 

بسم الله الرحمن الرحيم
السلام عليكم ورحمة الله وبركاته

مانرى اليوم مثير للجدل والتسائل مما يحصل في الاسواق او من بعض الباعه في المراح من الزيادة الذاتيه في الاسوام فاصبح البائع والسايم شخص واحد؟؟؟ ولا نقصد السودانيه بل اكثر الباعه الحاليين الا من رحم ربي فنجد ناقة عادية وتسئل عن سومها وتسمع ارقام خياليه تكاد تشبه الارقام الفلكية ومن هو سواامها يقول فلان بن علان راح يعس في الصمان وانقلب على خط الجافورة ومااات ؟؟؟ ناااهيك عن الكذب والغش والتدليس في السلع فتراهم يعلمون بامراضها ولا يبين مثل الذيبة يقول ذيبة خفيفه والذيبه ما ورى الخفيفه الا الثقيله !!! ويبيع الناقه الي فيها حضاة وهي لقحة حتا لا يبين بلاهاااااااااااا...
والبعير الفلاني على فلانان وامه فلانه والصحيح ابيه كذاابان وامه كذبه لعيووون جده درهماان ..وترا اثنين قصرا وتجار وعندهم جذاع ما بعد اضربت فحوول ولا شيف لها انتاج وكم سيم يا فلان والله سيم ب 4 مليوون من فلان وتروووح لثاني نفس الكلام والدعوه اتفاقيه ..غير ضيار المصعد وبيعها على انها خلفة غير الحلف على العجووم واسنانها يحلف انها مفرودة وهي لقيه ويبت ذاك الدين ويقول على دين راعيها وانت ماشي ...

الى اين يصل بنا الطمع والجشع الى وين ؟؟؟ الى ناار عرضها السمووات والارض ؟؟؟؟ وعلى شان ويش على شان الف ولا ميه الف ولا مليون حتا تبيع جنتك من شان ورق ؟؟؟

اخواني رسالة تذكيرية لي من قبلكم والى كافة اخواني البركة في الصدق وتبيين السلعه والكذب والغش يمحق الله بركته ولو هي ملايين ظاهرة انتشرت وحبيت انبه واسف على الاطاله والسلام ختاام...

قال تعالى( في قلوبهم مرض فزادهم الله مرضاً ولهم عذاب أليم بما كانوا يكذبون) [البقرة].

قال تعالى:( ولا تَقْفُ ما ليس لك به علم إن السمع والبصر والفؤاد كل أولئك كان عنه مسؤولا) [الإسراء:36].

قال تعالى: ( إنما يفتري الكذب الذين لا يؤمنون بآيات الله وأولئك هم الكاذبون ) [النحل:105].

حديثالرسول عليه الصلاة والسلام: ((البيّعان بالخيار ما لم يتفرّقا , فإن صَدَقا وبَيّنا بورك لهما في بَيعِهما , وإن كتما وكذبا مُحِقت بركة بيعهما))

ابو علي صباح الخير
اول شي انا اشهد لله انك جبتها في الصميم
وانك نقلت لنا صوره حيه ومباشره على شاشتك الصادقه
والشي الثاني
قل يا الله ثم يالله ثم يا الله
ان الله لا يبارك في حلال كل من كذب في اصله وسومه
واشكرك كل الشكر على موضوعك اللي اذا دل على شي فهو يدل على صدقك ونزاهتك يا ابو علي

تحياتي واحترامي لك

اخي العزيز ذيب اعتقد موضوعك لايحتاج لتعليق

كنك طال في جوفي وقلت اللي انا ابغا اقول

بيض الله وجهك

--------------------------------------------------------------------------------

جعل من جابك في الجنه

هذا اللي اقدر اقوله

مشكـور اخوي على المعلومـات ، وجعل من جـابك الجنة .

مشكور اخوي

بيظ الله وجهك

بيض الله وجهك

بيض الله ووووجهك

والله انك صادق الله يهدي الجمييييييييييييييع

الله يرحمنا برحمته
جعل والديك للجنه

السلام عليكم

والله احترنا انا شفت ابل ماتسوى 4الف ويقولون عليها 30

يا انه كذوب او السوام غشيم

وصعب تكذب الرياجيل

لاكن الله مارح يباركله

لاهنت ياذيب وعسى الله ينفع بموضوعك الناس اللي على نياتهم لا يصيدونهم الكذبان ولا اللي انت تقصد هذولا اصابهم مرض الطمع وهم كذبان اصلا ولقوا لهم ناس عندهم فلوس وعلى نياتهم ويصدقون
وهذولا اذا شافو اللي عنده فوس ومعرفته لك عليها حبلو له وهو غافل وقامو يتحدون بعض ويسمعونه وكانهم مايقصدونه بشي من كلامهم وهو عشق له من ذاك المجلس ولا اصبح الا شاري وبدون ما يشاور احد خايف احد يسبقه على السلعه وهي ما تسوى ويمشونها على كثير من الناس

السلام عليكم ورحمة الله وبركاته

رحمة الله والديك عن النار وعلى العموم من قدم خير بيلقاه ومن قدم شر بيلقاه ولاهي رايحه فلوسه الي سرقه بالكذب من جيب اخوه المسلم بالكذب والتطفيف ..( ويل للمطففين ) والويل نهر في جهنم نسال الله لك وللجميع والمسلمين النجاه من يوم القيامه وانا اشوف بالاسواق الابل او غير الاسواق في المراحات او في بعض المجالس انه يكون بينهم اتفاق على بيعه ابل على احد من الجلوس ويقول البل طيبه ومبروكه والضعيف الي يشرتي بدون شوره اهل العرف واهل الدين والذمه ومثل للاسف يحصل في منتدى السوق للابل في المنتدى اذا عرضت اي ناقه او بعير تستاهل اكثر الشخص الي عرض سلعته ماطلب انك تقول يستاهل الكثر او اقل اذا حبيت تقول له ارسل له رساله خاصه وقل له انه يستاهل اكثر في منتدى السوق للابل في المنتدى لان للاسف اني اشوف اشياء لايرضاها الضمير في منتدى السوق للابل لان بعض الاخوان للاسف يعطي الشي اكثر من حقه وفيه ناس في المنتدى زوار ليسى لهم الخبره الكافيه ويقع في الفخ وانشاء الله انه مايكون عندنا اي اتفاقات خلف الكواليس في هذا المنتدى في رفع سلعه في المنتدى لسوق الابل اوفي اسواق الابل الموجوده مثل الجنادريه او غيرها ..

اتمنى ان يرحمنى ويرحم كل مسلم ويعفي عن المسلمين اجمعياً ,,