|
قصيدة من شاعر حوثي والرد عليها من شاعر سعودي هذي قصيدة .. لشاعر حوثي مـا نبالـي مانبالـي مـا نبالـي واجعلوها حرب كبـرى عالميـه حـن قلبـي للجرامـل والاوالـي والله ان العيـش ذا يحـرم عليـا في سبيل الله ذقنـا المـر حالـي مرحبـا بالمـوت حيـا بالمنيـة يا نجوم الليل فـي سـود الليالـي يا كواكب ياقمر يـا شمـس حيـا وايش ذنب حسين وابن البدر غالي ذنبـه الـقـرآن والا الهاشمـيـة والله ان حسين وابن البدر غالـي كلنـا نفـداه واحنـا لـه فـديـه من بغانا فاسئلـوا عنـا الجبالـي فوق روس الشامخـات الحميريـه من جهلنـا شافنـا عنـد القتـال مثلنا ما عـاش مجهـول الهويـة **************************** وهذا الرد من الشاعر السعودي محمد حمود الصاعدي الحربي لعنبو راس ن من النوماس خالـي و لعنبو من لا قدح راسـه حميـه و لعنبو من يختفي عنـد النزالـي عن ميادين الشـرف و المعنويـه الثقيلة مـا لهـا غيـر الرجالـي سلـم و ألا حـرب و الا جاهليـه يشهد اللي له رجائـي و اتكالـي الله اللي ما علـى علمـه خفيـه إن في راسـي طوابيـر العيالـي في تنافس دون عـرض اليعربيـه صفهـم كـامـل و لله الكمـالـي قو ساس و قو بـاس و جاهزيـه صوتهم و احد كفو و بصوت عالي السعوديه علـى الطامـع عصيـه في حمى الله ثم حمى الحكم المثالي تحت ظل الشرع يا الـدار الأبيـه ويشهد الله إنني فـي كـل حالـي مثل باق الشعب ما نرضى الدنيـه في عروقي دم ابوي و دم خالـي يشتعل والنفـس حميانـه جريـه والغراب اللي نعـق يقـرا مقالـي بين طياتـه يحصـل لـه هديـه ندري إنه لا يشيـل و لا يشالـي منزوي للقـات مـن فيـه بفيـه عمه الحوثـي ملقيـه الشمالـي قايده و اصـل القيـاده خارجيـه لا يزال و شغـل قاتـه لا يزالـي كل ماخزن طغى و اعـدم سريـه فكـره الجامـح معديـه الخيالـي طار به خـارج حـدود الجاذبيـه يحسب إن المعركه روحي تعالـي و الحروب الطاحنة روحه و جيـه مادها مترين مـا يصـلاه صالـي لا غبار و لا سمـوم و لا ابرديـه مـا يهمونـه كريميـن السبالـي المهـم الجـو و الدنيـا مـديـه و لا يهمه كل شبر ن عنه طالـي سجدته لحسين تلغـي كـل سيـه غن يا بن الفن لالي لالا لا لالـي لا تقيـدك الحـروف الأبجـديـه سمَع الأقصى و حفظهـا الموالـي المطيـه تمتطـي ظهـر المطيـه غن للحوثـي و غنـوا للملالـي من رُبى صعـده لقـم الفارسيـه سادة أسيادك سعو بـك للضلالـي وفي نساك إستمتعو صبح و عشيه يا ولد مستمتع ن شـد الرحالـي وحط بمك نطفة ن ما هـي زكيـه لا تبالي و أنـت بالميـدان بالـي يا ضحايانا قبـل عيـد الضحيـه ******************************* هع هع الله يخلف على امن جابتك يالحوثي قال لانبالي لانبالي لانبالي هع..ْ~ |
لا تبالي و أنـت بالميـدان بالـي يا ضحايانا قبـل عيـد الضحيـه صح الله لسان محمد الحربي عزالله انه خزمه ولاهنت على النقل |
قسم القصائد والصوتيات مخصص لقصائد الابل فقط ويوجد وصف تحت القسم يوضح ذلك (( أشهر ما قيل في الإبل من قصائد وهوابيل وهجينيات )) لذا تم النقل لخيمة مزاين مع خالص الشكر والتقدير على المشاركة وعلى التزام الجميع بتنظيم المنتدى |
صح الله لسان الشاعر الحربي وعزالله انه رد عليه رد جامد والله لايهينك ياخالد على النقل والله يكون في عون رجال قواتنا المسلحه الابطال المرابطين على الجبهه |
يا ضحايانا قبـل عيـد الضحيـه 000000000 انا اقول ذبحتهم عشان لاتنتشر انفلونزت الخنازير عزكم الله لاكن عجبني هذا البيت عمه الحوثـي ملقيـه الشمالـي قايده و اصـل القيـاده خارجيـه صح لسانه ولاهنت ياكاتب |
صــــــــــح لســـــــــانكـ وشكراااااا على النقل |
صح لسانك يالحربي |
صح الله لسان الشاعر الحربي وعزالله انه رد عليه رد جامد والله لايهينك ياخالد على النقل والله يكون في عون رجال قواتنا المسلحه الابطال المرابطين على الجبهه |
صح لسان الحربي واشهد انه رد عليه والله ينصر القوات المسلحه عليهم |
لاهنتم على الردود الطيبه والمشرفه وبيض الله وجيهكم |
لا تبالي و أنـت بالميـدان بالـي يا ضحايانا قبـل عيـد الضحيـه صح الله لسان الشاعر ويمين الناقل |
ما اجمل رد البراء والارياق يباس تسلم اخي الشاعر محمد الصاعدي العوفي الحربي /وماهي غريبة على عوف نزالة الخوف ويسلم اخوي الكاتب السبيعي . ويسده لو ها البيت ياضحينا قبل عيد الضحية |
صح الله لسان الشاعر محمد حمود الصاعدي الحربي قصيدة جزلة من شاعر جزل لاهنت على نقل القصيدة اخي خالد |
حاصل اليامي وليد السالم ياسر الحربي لاهنتم جميعن على الردود الطيبه وبيض الله وجيهكم |
صح الله الساااان الشاعر الحرربي ولاهنت يالمجمعي على النقل تقبل مرووووري |
| الساعة الآن 19 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |