انتفاخ في الرأس... غريب ...يوجد صوره
 

السلام عليكم ورحمة الله وبركاته
عندي ثلاث بكار جاهن شي غريب وهو انتفاخ في الرأس من جهة الخد والمشارب والسبال
بشكل رهيب ومخيف حتى انك تخاف ان البكره ماتقوى تشيل راسها وعيونها يتسكرن... مع العلم انه مافيه اي اعراض على البكار
وتاكل وتسرح مع الابل عادي ولا كأن فيها شي قالولي هذا البارده ....تلاحظ ان سبال وزقم الناقه متهدل ومنتفخ اعمار البكار حقايق ووحده لقيه...
سؤالي...
هل فيه احد حصلت له هالظاهره وكيف سوى؟؟
هل فعلا هو البارده.؟..
.وليه جاء ثلاث بكار مع بعض ؟ هل هو معدي
وحده جاها وراح خلال يومين؟؟؟هل لازم العلاج ولا يروح من نفسه؟

http://www.up.azaen.com/get-11-2009-5zg2zh4l.jpg

http://www.up.azaen.com/get-11-2009-0otc4bsh.jpg

الله لا يوريكم ولايوري حلالكم مكروه

مرحبا ياناصر وهذي الباردة وهو معدي بعضها تنتفخ روسها وتسكر عيونها بعضها تعالج بادوية وكي وبعضها يسلم بدون علاج .وراعي الطيب {العطر} لايقربها لانه يزيدها انتفاخ .

مرحبا يا ناصر
هذي ماهي بالبارده
الانتفاخ ذا جا في قعود عندي
وخذ يومين وراح منه بدون علاج ولا شي
والبارده يا طويل العمر تجيك مثل الحبوب منتفخه وضغار وتفقع ويطلع منها دم
يعني لا تخاف عليها ليست البارده
وخذ الكلام من مجرب

السلام عليكم هذي البارده وتراها معديه ولا شمت الناقه الطيب تموت والله يشفيها

الله يجزاكم خير جميعا

مع العلم انه جاء وحده وراح من نفسها خلال يومين

هذا جدري الأبل وله لقاح (تطعيم)موجود مجانا في الوحدات البيطريه بوزارة الزراعه
وعلاج المرض نفسه بنسلين عشرين سم في اللحم لمدة ثلاث أيام
ودمتــــــــم...

اسمع يا الاخو هذي التهاب غدد وحصل معي في الصيف ولا يؤثر عليها وتطيب من كيفها ثم يتبعه تفطر في المهادل ومن ثم يختفي تماما ولكن الان وقت الشتاء فعليك الاستشاره من طبيب .

اخوي ناصرهاذي صارت عندي قبل سنتين في اغلب البل وراحت من نفسها ولا اثرت عليها وهي تشبه اعراض البارده
لاكن مهيب بارده اتوقع سببها كيماويات الاعلاف كنت مقيض في مزرعه تبن وعلف وافي وبعد ماطلعت من
المزرعه راحت

لاتقلق أخي الكريم هذي نسميها الجدعاء مرض يجي ويروح مايأخذ أسبوع بإذن الله بدون علاج

قد حصلت عندي كثير

تقديري

لا تخاف وأنا أخوك هذا مرض بسيط بإذن الله . يبي لك مضادات حيوية تحصلها عند البيطري وأغلب الإبل المصابة بها المرض تتشافى بدون تدخل من أحد .

أهم شيء لا تخليها تشرب من نفس الحوض اللي تشرب منه باقي الإبل أو تشاركها في العلف عشان ماتنتقل العدوى

استخدم المضاد الحيوى ( البنسلين ) لمدة 5 ايام مع عزل المصاب عن الابل .

مع الاخ احمد
ولاكن التطعيم فات وقته

ان اخذت لها بنسلين من البيطري

والبيطري يقول انه جدري والله اعلم
وباذن الله تتعافى

وجزاكم الله خير جميعا

اخوي هذا المرض اسمه البارده وهو معدي بس ما اعرف علاجه
ان شاء الله يفيدونك الربع

الله يعطيكم العاااافيه لكن ماعطيتونا العلم كلن أدلى بدلوه ولا عرفنا وش هالمرض