![]() |
الفزعه يهل الفزعه لاتخلوني ما استغني عن معرفتكم السلام عليكم ورحمة الله وبركاته اخواني الاعزاء 1= عندي بكره لقيه عافت الاكل ولا تذرق حتى تخوف منها تقدر تقول انها بداية سلاق تشرب ماء فقط البرسيم والشعير عافته لها ثلالث ايام ودقيتها ابرة مضاد وعطيتها مقويات ولا فاد فيها وشاينه وخاطرها اقشر واتوقع انها تكون مقروصه مع برطمها لاني ملاحض فيه ورم بسيط جدا ممكن يكون عقرب هل يحرمها من الاكل وريحت فمها قشراء مخنزه وتنفض راسها وينزل منها سائل زي الماء وعطيتها ثلاث فصوص ثوم ومازالت 2= اما بالنسبه لثانيه مفروده ضامر وينزل من فتحت الشرق زي الماء ولاهو بذراق وعطيتها محلول مساعد لامساك البطن وابرة جرب ولا ني عارف علتها هل يكون ماكله اكل متسمم بقايا هي ماتخلي الدوجه حول بيت الشعر والغراض وتكرمون تدور الزبايل ارجو مساعدتي منكم الله يطول بعماركم وجزاكم الله الف خير ولكم الشكر والتقدير |
يمكن يا اخوي عبدلله مغتثه ولا ابو دبه وانشاء الله يشفيها |
اعرضها على دكتور ممتاز والثوم مفيد جداً لحالات الباطنيه مجربه بس يبي له انتظام بدون ملل احش الخبز اربع فصوص يوميه وعطها الوجعان عندك وانا متاكد بيكون له فايده ولاتنسى لو صرف علاج لها ن استمر على الثوم لمدة اسبوع وشف النتايج |
راشد المخضوبي وخالد النفيعي ومحمدالتميمي بيض الله وجيهكم وكثر الله من امثالكم والف شكر على ارائكم ومعلوماتكم التي نفعتني بما قدمتموه الف الف شكر ولكم مني التقدير والاحترام البكار جبت الدكتور وقال ماكلات اكل مهو نضيف وعطاني ابر ومحلول وبديت بالعلاج والله كريم ولكم الشكر |
الله يعطيكم العاااافيه على المعلومااااااااااااات المفيده |
اخوي عبدالله بالمربعانية ماتطلع العقارب ولا الحيايا ( بيات شتوي ) جب لها طبيب او واحد عنده خبره يعاينها او انت اطرحها وفتشها يمكن خراج ويلطمها عند الاكل وعافت الاكل والماء الابل قليل تشربة هذه الايام |
اخوي عبدالله بالمربعانية ماتطلع العقارب ولا الحيايا ( بيات شتوي ) جب لها طبيب او واحد عنده خبره يعاينها او انت اطرحها وفتشها يمكن خراج ويلطمها عند الاكل وعافت الاكل والماء الابل قليل تشربة هذه الايام بالنسبة للبكره الثانية يوجد بودره بالصيدليات البطرية مضاد حيوي ومطهر معوي يوقف الذراق ان شاء الله |
الساعة الآن 21 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |