|
منقيــــــات...ولــــــــكن (( صفر على الشمال ))؟؟؟؟؟؟ اسعد الله مساكم جميع,, ياجماعه الاحظ واعتقد ان بعضكم لاحظ مثلي,, ان الابل المنقيات اللتي تشترى بالملاااااااييييين,..واللتي تاخذ المراكز الاولى.. نرى دائما انتاجها صفر او لا يقارب زينها من زين اماته؟؟؟؟؟؟؟ علما ان الفحول اللي تي تهد فيها طيبه وغاليه جدا؟؟؟ وانا قول اغلب الابل وليس جميعها؟؟ نريد ان ناخذ ارائكم في هذا الموضوووع؟؟ ماهو السبب في ذالك..؟؟ هل هو الابل ام الفحوول..؟؟ الرجاء تكون المناقشه من غير ذكر اسامي ملاك المنقيات منعا للاحراج |
حياك الله ما هو شرط اكثر الي انا اعرف ابلهم طيبه وانتاج طيب ومنهم من يشارك ومنهم ما يشارك |
الشكوى لله عقب ذا الخساير ويطلع الانتاج دون مستوى الامات ماعاد لها طب |
مرحبا يا ابو عبيد والموضوع جدن رائع وانا ملاحض هاذي المشكله بس يمكن البل طيبه ونتاجها رماد وعلى فكر ان البكار الطيبه غالبن اماتها عاديه وتقبل وجهت انضري |
السلام عليكم ماهو بشرط طال عمرك فى ناس نعرفه ان الانتاج عندهم خييااار لكن ماهم فاضين للانتاج عشان الناقه مايتعبونها فى الانتاج يحيلونها لكى تزين اكثر وبعض الابل خذ ناقه خصم مزيووونه لكن انتاجه فاسد ماهو على شكلها بطنها ماهو نظيف والعكس ناقه متوسطه وانتاجه طيب مرة وكله يعتمد على البركة من الله والفحول الطيبه الى معمقه طيب وحبينا نشارك معكم |
يعطيكم العافيه جميعا,, وصحيح ماهي كل المنقيات,, انتاجها فاشل... لكن البعض وانا اعرفها.. بس حبيت نشوف ارائكم في الموضوع |
~.~ مرحبا والموضوع جدن رائع ~.~ ~.~ انا ملاحض هاذي المشكله بس يمكن البل طيبه ونتاجها رماد ~.~ ~.~ على فكر ان البكار الطيبه غالبن اماتها عاديه ~.~ وتقبل وجهت انضري |
هذا الكلام صحيح وحصلت عندى و اضن ان اسبب حكمة من رب العالمين و ارزاق اتوزع و ذى ابركة من اللة وكل الحلال مبروك |
مرحبا يابو عبيد وهذي توافيق من العزيز الحكيم فيه ابل انتجت بكار غالية وانتاجها الثاني ردئ مع انها نفس الناقة ونفس الفحل .وفيه ركاب غاليه ومنتجه بس وين اخوانه وين خواته يعني زبدة الهرج توافييييييييييييييق . |
السلام عليكم بدون ذكر اسماء اعرف واحد فحله ينتج من الابل العاديه بكار مزايين وهذا سبب انتاجهن |
اشكرك على الموضوع الطيب فعلا اهل المزاين والنخبة مانشوف انتاج الذي يفوق الامهات رقم كل المميزات لدى الابل عندهم والذي لايشاركون بالمزاينات نشوف الانتاج الذي يباع ويبحثون عنه اهل المزاينات مثل فلان شرى مفروده بالسعر الفلاني او لقيه رغم عنده ابعير وباعر تفوز بالمزاينات ودليل حتى الفردي الانتاج |
اشكرك اخوي موضوع جداً مهم وانا اشوف بصراحه اذواد من ابل المزاين تلاقي اكثر المقهور اقل من امهاته ولو تشوف امه تسوى ذهب وماتقل امه عن 500 الف واخر شي انتاج قصب وللاسف تعرفون ليش لان الصل هو الاساس اذا جت الناقه شكل واصل ابشر بالانتاج واهل المزاين يهمهم اكثر شي شكل الناقه عشان المزاين بس . والمسكين اخر شي شاري ناقه ب 500 الف واخر شي بطنها مايسوى قرش .؟ فنصيه لجميع الاخوان او شي ابحث عن الناقه الي اصلها طيب او انتاجها طيب وتلقى الزين باذن الله اخوكم ... عبدالله |
كله توفيق من الله وبركه أعرف واحد عنده ناقة جابت 3 بطون من فحل واحد البطن الاوله بكره زينه والبطن الثاني مسكته والبطن الثالث مقصب!!!! |
الحين في خبر جديد الطيب الخبر منزله اخوي العزيز/مناحي المحمدي وهو التالي:- السلام عليكم ورحمة الله وبركاته مع تطور الطب خصوصا في امور التخصيب وتحديد الجنس طلع لنا مركز اماراتي واتواقع اسمه مركز تناسل الابل قبل سنه صار يستقبل 40 ناقة والسنه هذي يستقبل 600 ناقة وقفلوا لازم تحجز من الحين لسنة الجاية فكرة المركز طالت عماركم مثلا عندك ناقة مزيونة وطيبة وتبي تنتج منها بكار فقط وتحمل مواصفات الناقة المزيونه والبعير اللي تبيه تاخذ طال عمرك بويضات الناقة المزيونه وبول الفحل اللي تبيه ويحطونها مثلاً في 50 ناقة وتجيب لك بكار من صفات الناقة المزيونه والفحل الطيب ولو ماتت الناقة ولو بعد 10 سنين هم يحفضون البويضات وتنتج . بس المشكلة لا نشدوك الرياجيل وقال امها منهي وش تقول ؟ -_+ |
هذي حكمة رب العالمين , لو ان اهل المنقيات انتاج ابلهم كله مزاين , كان ماشفتهم يشترون وينفعون الفقراء اللي على الله ثم على الابل , وهي ارزاق , اهلى الابل العاديه يتعبون ويلقون ويجيهم الشين واهل المنقيات يشترونها بالدراهم الواااااااجد , ارزاق ناس من ناس , ومشكور يابوعبيد على الموضوع الطيب , وانا معك فيما طرحت , |
| الساعة الآن 16 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |