من يدلنا ياللحوات الغانمة على الركاب الطيبة فالشرقية
 

السلام عليكم ورحمة الله وبركاته
مسيكم بالخير جميع
ودي ياجماعة الخير اللي عنده معلومات عن الفحول المجاهيم المنتجة فالمنطقة الشرقية اسوق لها ضرايب انه يعلمني والله يجزاه ويجزا والديه خير الجزاء

و تقبلوا أطيب تحية

يسعدني اني اول من يرد ابشر
الاول بعير ابن زومان اللي توه شاريه بعشره مليون الموقع شمال مزارع الشافى الفاضلي
الثاني بعير محمد متعب المنخس المري سيم ثلاثه مليون الموقع ثاج شجرة الراك
الثالث بعير سطام ال سطام الزعبي الموقع شمال المليحه وادي العجمان
الرابع فحول السحيباني اللي في الفروق هديان ،دوينان ،
الخامس ناصر فهيد العجمي سيم ثلاثمائة الف الموقع قبلة من نطاع
تحياتي لك بالتوفيق وعقبالك الفوز في المزاينات

بيض الله وجهك يامحمد وعزالله ماقصرت

عندك خنوفان بعير سعد ناصر العليل إنتاجه من النوع الفاخر
جنوب من سوق الغنم الاحسا

لاهنت ياحسن وجعل شيبانك فالجنة

ارحب يافهاد
عندك بعير الخرب ولد الوافي حدرا من حنيذ
وعندك اركاب سلطان ابن مانع جنوب المصرعيه
واركاب ابن جريذي المري علوا من شفيه
وبعير ابن عريج ال فهيده حول ام زور
وبعير ابن رفاده علي وحيدان حول ام جرف
وبعير الدويرس بين الالحي
واركاب ابن مريمان عند مغطي وكلها طيبها مزعل & وحيدان
وبعير ابن فاره المري عند برق النعيريه
وبعير ابن طحنون ولد الوافي حول الزور

وعسي الله يرزقك بكار التحدي

بيض الله وجهك ياراشد ماقصرت وجعل شيبانك فالجنة