يامدر الإنتاج العشرا الصهبا المزيونة
 

هذي عشرا صهبا مزيونة للي يدور الإنتاج ناقة سناد تامة وسالمة من كل العذاريب لا ذيبة لا حلل لا قلب عصب والطبع الزين هدو ماتحرك أبد والديد الهش كأنه ديد بكرة ــ قولوا ماشاألله ــ فيها سنامها مايل على اليمين(هجفا) والباقي اشرطه لكم على النظر ولا تدفع فيها شي إلا أنت فاحصها وإذا تبغا قعودها معها أو ماتبغاه يكون أحسن والناقة في الرياض,,, سقها للفحل الزين وأبشر والله بالإنتاج اللي يطيب الخاطر بإذن الله تعالى......... وهذا جوالي أبوفهد 0504465216
وسلامتكم
http://www.mzayan.com/vb/images/uplo...034564f67c.jpg
http://www.mzayan.com/vb/images/uplo...034676c302.jpg
http://www.mzayan.com/vb/images/uplo...03474d6b7d.jpg
http://www.mzayan.com/vb/images/uplo...034831471a.jpg

وش سنها ياراعيها
ووشلون حليبها كثير ولا وسط

علية ب7500 مع ولدها

بارك الله في الجميع الناقة لاتسأل عن طبعها هدية مررررة مررررة ولا تتحرك وحليبها هو الزين وهو وسط لا هوب اشوي ولا الكثير لكن أنا مشكلتي في العامل ماهوب الذرب اللي يعطف الناقة ويحلب بسرعة لأنه جديد ولا هوب ماهر في الحلب.
وللمعلومية ترى الناقة كانت حايل اشتريناها حايل وجبنا لها البيطري ونظف عنها وأظربها الفحل عندي والقحت بالقعود اللي معها الحين وأول ولده لها عندي وماشاءالله عليها وعلى طبعها

وهذي صورة للناقة العام أول ماشتريتها قبل ماتلقح وأسوامكم طيبة ونطلب الزود
http://www.mzayan.com/vb/images/uplo...0a62455881.jpg

وش سنها يراعيها

علي بــ9000 الاف ريال هي وولدها
يذا بعتني كلمني على 0555940355
ابو عساف

عندي 10000 الاف

أسوام طيبة ووجيهكم أطيب جعل ربي يسلمكم........ ونطلب ألزود ولا بعد وصلتوا قيمة مشتراي لها وهي لقحة

اخوي ناصر انت شاريها حايل وتطببت فيها او شاريها لقحه شفت تناقض بالكلام؟

أنا أعلمك طال عمرك الناقة اشتراها واحد من اخوياي حايل وجاب لها البيطري وانا حاضر وقم ودس عليها ونظف عنها ثم قال بعد ثلاثة أيام لقوها الفحل وبعد ثلاثة أيام أضربها فحلي الهرش والقحة عليه بعدين يوم مضى عليها حول الحول وقربت تلد اشتريتها وانتجت عندي ذا القعود اللي معها....
هذا الحاصل بارك الله فيكم