منتـديـات مــزايـن - ابن عفيشه ووصف الذلول

عمير بن عفيشه
شاعر الجزيره العربيه

اخترت له هذه الابيات
التي تطرق بها الى وصف الذلول من قصيده طويله جدا وعسى ان تنال اعجابكم

وقلت لطارشي قم لاتوانا"=" ودوّر زملة الطارش دواره
أوهيبيّه تبوجبك التنايف"="من اعلى الجيش من نقوة انظاره
اجماليه سفينة بر وجنا"="تعالي شان من هي من اوشاره
رباع السن حيل اتلاد حايل"="شحمها من سنة ولدت حواره
نحيفه مايصك القاع منها"="شراريه جماليّة فقاره
وسيعة مبطن(ن)ولها ثميله"="وزور(ن)مايقلط له ازواره
ومفجوجة نحر عوجا مرافق"="براحمها كما شهب الحجاره
قصيرة مردف(ن)عثوا جليله"=" وغاربها محلّقة(ن)وباره
وعنق(ن)مثل غصن الرطب ليّن"="وعلبا زاهي (ن) نقشه اعذاره
وكبيرة هامة(ن)والحجز نابي"="وفيها من وصوف الذيب شاره
تخنوج بالمسير تقول عذرا"="ايلا هلت على العاتق خماره
وفي الريم الفريد ابها مواري"="اجفال (ن)لعترض صيغة شقاره
زعوج(ن)ماعليها تشره الا"="ظهرها ريّف(ن)مابه وعاره
ليامن غرّد الراكب عليها"="تطوف الفرت مكشوف الغماره
مكينتها يبردها هوى الله"="ليا علم امبيره بالحراره
تطوف المركزين بدون مانع"="بلا رخصه ونمره واستماره

منقول من منتدى النداوي

كاتبه الشاعر مبارك بن اعيينان