{بن سهل}
 

السلام عليكم

مساء الخير للجميع ..

هذي قصيدة ابحث عنها أكثر من سنه ولا حصلتها ..
لأني سمعت حسين الكوري جرها . وكنت ابغى القصيدة كامله وشاعرها ..
والحمد لله حصلتها كامله ..

وهي قصيدة للشاعر الكبير عبدالهادي بن سهل رحمه الله ..
عن البدو وحياتهم وشديدهم ..

إليكم هذه الدره :






يا مل قلب تختلف فيه الاشـوار
الله كريـم وطيـب فيـه ظنـي
وين العرب راحوا طريين الاشوار
اربهم مـا كفـو الرجـل عنـي
يا من يعلمني من البـدو باخبـار
يخبرهم ان قلبـي عليهـم يونـي
مثل الخلوج اللي ولدها له اضوار
تسهر تدور له وهـو مـا يحنـي
من دون ربعي للونيتات مشـوار
ليـل ونهـار والمكايـن تـرنـي
وقلبي يمنيني مع البـدو مصفـار
في مرتع ما هـو يجـي بالتمنـي
مرية يرعون حسكـات الابـوار
في كـل قفـر ترتعـه بالتهنـي
يا زين شدتهم على ذكر الامطـار
غيث به القلب الشقي يرجهنـي
من غاب حطوا له على الدار توثار
ما يحترونه وان بغـى مـا يثنـي
ما همهم لو كان يمسي على الدار
يصبح لاثرهم والسفر مستظنـي
شدوا مع طلعاتها كـل مشكـار
يبرى لها اللي مـا قعـوده يونـي
يا زين شدتهم على ذكـر نـوار
ما قبلهم كـون القبيسـه تغنـي
يا حلو منزلهم عذبـات الاقفـار
او لا اقبلوا واولا سلفهـم يبنـي
كل يبغي يسبق على شبة النـار
سبق عليها من الاجاويـد فنـي
تمايلوا صوبه هل المجـد والكـار
نجره لعطـران الشـوارب يدنـي
توخروا اللي عاد حيرانه صغـار
وحيل العشاير والبكـار اقبلنـي





تحــــــياتي ..

يازين الأولين وعلومهم

ولاهنت على النقل

يعطيك العافية
والله لا يهينك

ولانت يا اخوي فايز وشاكر مرورك الطيب

الله يعافيك يا يوسفولاهنت على المرور العطر

المخضوبي بيض الله وجهك علا القصيده ولاهنت

تقبل مروري

اررررحب يا عبدلله وجهك ابيض ولاهنت على المرور

الله يرحم ابن سهل ولاهنت ياراشد على المشاركه الطيبه

ولانت يا هادي وشاكر المرور

يمااااااال العافيه على القصيده الرائعه

وبيض الله وجهك

الله يعافيك وجهك ابيض ولاهنت على المرور

كفووووووووو ياراشد

كنك تعرف وش فالخاطر

وبيض الله وجهك يوم جبتها

بس ليتك تعلمني بمعنى

ضوار وتوثار

وجهك ابيض يا نادر
ضواري الهبوب
توثار اضن علامه

صح لسان الشاعر عبدالهادي بن سهل
وبيض الله وجهك ياراشد على الطرح الطيب

يعطيك العافية
والله لا يهينك