في هذا اليوم الخميس 10/11/1430 بعد صلاة الفجر جتني خرمة شبة نار من الغضا ومن جرب شبة الغضاء يعرف وش هي الخرمة والله يا هي ادمان (تراي صادق الصدر وسع القصيم كله وحياكم الله في اي وقت)



المهم من المسجد الو يا ام فراس ترا منب جاي ابطلع للمصفر قالت استودعك الله وكل الوقت ستة دقائق بالتمام والكمال والاي بهالمحل اللي يحبه قلبك



1
http://www.mzayan.com/vb/images/uplo...94cd9721d9.jpg




2

وهالمحل اللي الكثير من اهل عنيزة يعرفونه (مخيم كلية التقنية الرائع)

http://www.mzayan.com/vb/images/uplo...94da52a920.jpg


3

شبيت الضو من حطب الغضاء وللعلم لم اكسر عود واحد من الشجر بل تلقيط من حوالينك بس

وش رأيكم بهالفنجال ما يسمر الراس(قولوا ما شاء الله)


http://www.mzayan.com/vb/images/uplo...94e67b6b95.jpg



4

ما يتهيا قهوة الفجر بدون قدوع سكري من ايدين ما نعدمهن


http://www.mzayan.com/vb/images/uplo...94e9c2e23e.jpg


5

وش رايكم بهالصورة عاد تراي اتعلم التصوير لحد يطبق مثلي (جاب الله هالديجتال)

http://www.mzayan.com/vb/images/uplo...94ec7c00c8.jpg

6 جايزن لي هالفنجال ما ادري ليش



http://www.mzayan.com/vb/images/uplo...94ef3dc052.jpg


7
فيه شيئ غريب بهالصورة مهب معقول يعرفونه الكييفة

يالله اختبار تحريري واللي يحله حياه الله على فنجال بالمصفر


http://www.mzayan.com/vb/images/uplo...94f7c5ed40.jpg

وسلامتكم اتمنى ان تكون رحلتنا واياكم ممتعة ولا تنسون حل الصورة رقم سبعة تراه مهم