المشوره ياهل العرف
 

السلام عليكم
عندي ناقه ولدت ومات ولدها وضييرتها وركبت والحمدلله بس المشكله ان مشافر الناقه براطمها اللي فوق ورمو وانتفخو حيل من الربط والحين الناقه ماتقدر تفتح فمها من الورم والناقه ماكلت لها خمس ايام بس تشرب الماء منو عنده حل او علاج مجرب يخفف الورم يذكره لنا الله يجزاكم خير

مرحبا يالعازمي وبعض اللي يضيرون اتك على خشم الناقة بقوة وانا شفت ابل خشومها مقطوعة لسؤ التضيير .وانشاء الله ناقتك طيبة اذا الخشم مدمي بخاخ ازرق معقم وعطها شوار وكثر الماء عليه خله شروب لها والشافي الله .

البنسلين اخوي علاج لاغلب الالتهابات و الله يشافي ناقتك .

[QUOTE=قاسم ابن صنيتان;232514]الله يشفي ناقتك
ويفيدوونك الربع[/QUOTE

جزاك الله خير يابن صنيتان

الله يجزاك خير ان شاء الله بروح صوبه

هلا يامحمد لاوالله الخشم مهب مدمي لكن المشافر مورمه حيل الله يجزاك خير على المعلومه

الله يجزاك خير يابن زبدان

جزاك الله خير يالحربي بروح للبيطري واخذ منه البنسلين ان شاء الله

اسلام عليكم ورحمة اللة اول شى شف خشم الناقة اشك انكم ناسين فية شى اما علاج الورم فهو البنسلين اعلاج اغلب الاورام واللة يشفي حلالك وحلال المسلمين

الله يجزاك خير وان شاء الله ابفتش خشمها

سلام عليكم اخوي مبارك ولاابدي راي علا الجماعه اخواني انا كان عندي ناقه وضيرتها ونتفخ خشم الناقه والنتفاخ الجرح معروف هو شمم واشمم علاجه خوا جوا يمكن مامر عليك تحصله عند العطارين وصراحه هو طب شعبي وانا مجربه للجروح والورم والله يشفيها انشالله يارب وتقبل مرووووووري

الله يجزاكم خير جميعا والناقه ماتت وعسى الله يعوضنا باحسن منها وويقول الدكتور الناقه فيها تسمم من قبل الضيار وعشان التسمم الناقه قطت اللي ببطنها قبل وقته

الله يجزاك خير اذا بتضير مره ثانيه حط الصمق سوبر اقلو بدال ماتربطه

توبه ماعاد انا مضيير خلاص كل طقه بتعلومه