الناقه ماتت وش علتها يا وجيه الخير
 

السلام عليكم ورحمة الله
صبحكم ومساكم الله بالخير
ياجماعة الخير عندي ناقه مجهم لقحه مقرب ماتت قبل البارح ما ادري وش علتها
جيتها قبل ما تموت بيوم وهي نفسها منسده ويالله تشيل نفسها ومغير باركه عند حوض الماء
وهي على هالحال لها ثلاث او اربع ايام على كلام الراعي ومن جاها الي جاها وهي مخورمه خواريمها
انا قلت يمكن انها مقرب مير يوم اصبحنا وهي ميته وش علتها ياجماعة الخير يا اهل الخبره

ملاحظه:
واحد من الربع يقول ان المجاهيم اكثر امراض وخراريج واكثر حالات النفوق بالمجاهيم والأعمار بيد الله سبحانه
من يأيد كلامه ؟ ومن يعارض

السلام عليكم

سبحان الله الناقه لي شلتها من وليفاتها تضرب عن الاكل

قد يكون هو السبب

السلام عليكم الناقه اخر ايامها عكمت ولا لا

احتمال يكون الحوار ميت في بطنها

لان من حالات موت الحوار انسداد نفس الناقه وتضمر بشده ولا تقوي على القيام

وقد يكون مرض أخر والله يعوضك خير منها

الله يعوضك خير منها

الله يعوضك خير منها

يمكن مقتثه ولا فيها ابو دبه
وفادتن راسك

جعلها تفدا اهلها

والله يعوضك

الله يخلف عليك خير منها
اعتقد انه نوع من ا نواع الهيام صاب عندنا اربع من الابل وكلها ماتت

هذا على ماعتقد ابومناحر خاصه ان كان الناقه حرارتها عاليه قبل تموت.

الله يعوضك خير منها

الله يعوضك خير منها

الله يعوضك فالاطيب منها ويا خوك كل شي وله حد اما الاسباب ممكن هيام ممكن ماكلتلها شي مث الحاث اذا
مقطته يذبحها ويمكن عين قشره ويمكن حراره بما انك ذكرت وجودها عند الما باركه
ويا عسها فدا اهلها
وتقبل تحياتي