هل هي لقحه ولا معشش لها 8 شهوور
 

السلام عليكم ورحمة الله وبركاته
يالربع انا عندي فاطر مضربه لها 8 شهور كل مادخلتها عالفحل رفعت راسها ووزرت وشاولت والفحل يكرفها ويخليها والمشكله ان بطنها صغير ماتقول لقحه والى جيتها بعصاي رغت وانا خابر اللقحه ماترغي
وش رايكم يالربع

اللي لها ثمان اشهور ولابان بطنها ماهي لقحه

السلام عليكم ورحمة الله وبركاته
اخوي موشرط البطن بالفترا هذي يكون كبير حيل ولاكن هل الفحل صغير بالعمر اذا كان صغير اعرضها
على فحل كبير بالعمر لان تكون في نوع من الخبره اكثر والله اعلم
وتقبل تحيتي

مادري بالبطن لكن اللقحه ماترغي

المشكله يقولون ماهوب دليل البطن بيض

المشكله يقولون ماهوب دليل البطن بيض الله وجهك عالراي
مادري بالبطن لكن اللقحه ماترغي
وعليكم السلام ورحمة الله وبركاته
ايه الفحل صغير ولا حولي بعارين عشان اعرضها عليه

بس انها ترغي ذل وهي فاطر ماتقوى عالحراك

هذي عندي مثلها العام وبعد ماتمت قريب السنه وهي لقحه شكليا يسرت من جديد وادخل عليها رجال بصير وطلع لحمه صغيره واضربها البعير والحين لها حول السبعه شهور وتشول وانا ماعادني مصدقها الين اشوف حوارها.

والله ان الشايب يقوله
ابي شوركم يالربع أضربها بدون ماتيسر ولا لا
لأني اخاف انها لقحه صدق
وابي رقم الرجال اللي قطع عن ناقتك مشكور مقدما

السلام عليكم ...


((( لو انها معشش كان من قدام تضربها على الفحل تشول))))




يالسهلي ناقتك لقحة وهذا الموضوع صار لي انا بالذات رغت على الفحل وطقت منه لا ولا شاولت عليه الا يومه يكرفها بس بعض البل سبحان الله ما يبين بطنها وتسير لناقة الي لها شقتن وافيه ولا الناقه النظير الدقاق واكبر دليل على اللقاح الديد اذا احتشد وشعرة الناقه تبين وناقتك يوم رغت حدا ثنتين :
1- الناقة فيها ذيبه ولا كبيرة تكاود المقام والمسير .
2- ذاله من الفحل لا هم الفحل بها وهي لقحه بعض البل ترغي( بعضها )..
وتقبل مروووووووووووووووووووووووووووووووووووووووووووووووو وووووووووري

السلام عليكم ورحمة الله وبركاته
اخوي صاحب الناقه ناقتك والله اعلم ماهي لقحه لان الناقه من اول ماتعشرماترغي ابد واذا اردت ان تعقلها ترفع راسها وبدون ان ترغي
للمعلوميه اذا اضربت الناقه اكثر من مره ولا عشرت فبحث عن شخص لديه معرفه بالصيد وخله يقطع عنها وحذاري من بعض البيطريين وخاصه الاخوان المصريين لان ليس لديهم معرفه كافيه بالابل ومشاكلها
مع تحياتي

عز الله ان الناقه دايم اخر البل في المسراح ولا ودها في المسراح وخاطرها يشين لا طلعت البل انا توقعت انها ترغي ذل من العصا
يعني شورك علي اصبر عليها الى متى
وماقصرت وبيض الله وجهك


أخوي عبدالله الراضي والله اني احترت ولا أدري وش السواة

أنا اتوقع ان ناقتك ماهي لقحه المهم اذا ثبت ان ناقتك ماهي لقحه فعليك بالتالي
عليك بابرة هيام الفرنسيه وترامسين 25 سم لمدة يومين لان الناقه معش وبعد اسبوع هد البعير عليها وشوف
والابر ذي مالها اي ضرر بإذن الله

بيض الله وجهك يا خالد وماقصرت
ابصبر عليها زود شهرين ولا ثلاثه والله يكتب الله فيه الخير

انا رايي انك تحدها على البعير واتضايقها على شان تقطع الشك باليقين

وطقها بالعصا وانت تضايقها ان بركت مافيها رجا

هناك لقحات ترغي اثناء التوسيم .. واثناء التحميل

وهثناء التعقيل .. لاكن ما ترقي خوف من البعير لانها متأكده ان البعير ماهو بجايها

بس بعيري توه صغيري ويقرط في اللقحه وغيرها
والمشكله ماحولي بعارين اعرضها عليه
بيض الله وجهك يبن شريه