هل هي ذيبة افيدونا
 

عندي بعير من اضرب وهو جذع الى اليوم وهو رباع فية نفضة ولا يبرك على الناقة الا بالموت اما في مقامه وبركانة
العادي مافية شي ابد افيدونا جزاكم اللة خير

اذا مافي بركانه ومقامه شي فلا اعتقد انها ذيبه
مشكلة بعيرك اما عراقيبه متجرحه ويهاب لاينسل على عراقيبه عشانها توجعه
او توجعه البل اللي سنماتها كبار في بطنه ويهاب من اضراب

مرحبا اخوي منصور
اعتقد انها ذيبه والاعراض واضحه
لايوجد علاج مثبت لذيبه فقط اجتهادات شخصيه ومنها اللي يخف نوعاً ما
انا كان عندي بعير فيه ذيبه واعطيته حلبة الخيل بكميات مناسبه ومستمره لمده لاتجاوز الشهرين ولقيت نتائج طيبه وتعاشرٍ الابل منه هاك الوقت بدون اي مشااكل وهذي تجربه شخصيه
والاخوان مايقصرون في تجاربهم واعطاءك بعض الحلول
وانا اتوقع ان الطب الشعبي مفيد لهل الحالات وتخفيفها
اتمنى انا الله يرزقك في حلالك ويشافي بعيرك
اخوك/محمد الوهبي التميمي

ارحب يامنصور
متى اطلقت البعير يمشي
وهل كان البعير مربوط لفتره طويله

ليست ذيبه اعراض
الذيبه واضحة
مشكلة بعيرك يهاب البراك.

مرحبا يااخوان البعير يطلق وقت الضراب اويلقح عادي مافية الا اللي ذكرت ودمتم بخير

الذيبة تجي الناقة والبعير على حد سواء لاكن هناك اختلاف
فالبعير : تبين اذا ركب الناقة واذا حول منها .
والناقة : تبين في مشيتها .

وموقع الذيبه في الفقار .

وبخصوص بعيرك انا مع الاخ محمد الفاضل او انها ذيبة
لاكن انت لاتهده الا في العدامة .