|
افزعوا لنا يا أهل البل بسم الله الرحمن الرحيم السلام عليكم ورحمة الله وبركاته مساء/صباح الخير للجميع فيه ناقة عند واحد من ربعنا الناقه كد ولدت ولدتين وأضربها ولاعشرت والناقة تشاول ووداها للجامعه بالقصيم وفحصها الدكتور ودس عليها ولادخلت يده ويقول ان رحمها مسكر بالمره ماسك على بعضه ولاقدر يدخل يده علشان يفحصهاويقول الدكتور الناقه ماعاد تلقح ولافيها امل انها تلقح وعرضناها على واحدله خبره يقول تدخل لي هوا في رحمها وتنفخة بالهواء الين ينفتح الرحم وهو ماوده يعبث بالناقة لانها ناقة غاليه لاكن يالربع اللي كد مرت عليه مثل هالمشكله انه يعلمنا الله يجزاه خير والناقه فم رحمهامسكر اللي يسمونا الخانة الثالثه مسكرة هذي المشكله |
هذي الحالة تحتاج خبير شعبي وتكون خبرته جيدة لان اي خطأ قد يذبح الناقة لانه لو انشق الرحم ماتت الناقة وانا شخصيا ضد نفخها بالهواء وقد حصل ذلك مع شخص حيث نفخ ناقة عنده وانفجر بطنها وماتت |
السلام عليكم ... مع الاخ مبارك المري الرحم منطقة حساسة وتحتاج الى طبيب شعبي ماهر |
مع الاخ مبارك وافضل عرض الموضوع على جراح |
انا اتوقع لواعطاء الناقة ابرة تيسير ثم ابرة تنظيف راح يفتح الرحم ولكن لابد من استشارة طبيب وانتبه من راعي لي الهواء |
حصلت معي هذه الحاله ادخلت يدي فقط الكف في رحم الناقه ولكن اجد جدار من الغشاء وللعلم الناقه ولدت اكثر من مره ولكن حالت سنتين تقريبا ما لقحت ومزقت الغشاء الاول وخلفه جدار ثاني ومزقته ووجدت ثالث مع العلم انهم خلف بعض بفارف اثنان سانتي وتألمت الناقه وظهر دم كثر وظربتها اكثر من مره ولم تلقح وبعتها . |
وعليكم السلام ورحمة الله وبركاته المشكله بسيطه ان شاء الله يمكن الرحم ملتوي ويحتاج الى طبيب شعبي لتعديله |
الله لايهينك أخواني على هالردود الطيبه ولاهو غريب على منتدى هذا التفاعل الناقة عرضها على البيطري ولا قدر يدخل يده في رحمها والرحم مسكر تسكير اللي يسمونها الخانه الثالثة والناقه والله انها غاليه بس اللي يخبر لنا رجال خبير وكد مرت عليه مثل هالحاله او رجال معروف ودي انكم تخبرونا عنه وللمعلومية الناقة موجودة بالقصيم ولكم جزيل الشكر |
اخوي فيصل صبحك الله بالخير في دكتور جيد بعيادة الاحساء الدكتور عبدالعزيز العكنة اخصائي تناسايه تراه جيد وفاهم حاول تكلمه وتشرح له موضوعك وانا بحاول اجيب لك رقم العيادة |
الله يبيض وجهك ياحمد ويرحم الله والديك اذا حصلت رقمة لاتخلينا منه |
ارحب يافيصل فيه دكتور اخصائى تناسليه فى مستشفى الجامعه فى الاحساء اسمه محمد حسن اردنى والرجال عالج عندى نوقات وسلمت والرجال فاهم شغله عدل وعنده ثقه ورقمه 0509483323 تحياتى |
الاخ فيصل الحالة مرت علي من قبل وعالجها واحد عندنا بالشمال دس يده لكن الرحم مسكر وقال اعطوها ابرة تنظيف وبعد ثلاث ايام او اربع دس عليها ولقى الرحم تمام التمام وكذلك قال اعطوها ابرة اليسرة .. اما الهوا والنفخ فااعتقد ان هذا ضررة اكثر من نفعه ... وبالتوفيق |
اخوي فيصل اذا كانت خاتم من برا فدور الدكتور اسمه الطيب وانا بدور لك رقمه هو الي بيحل المسأله بأذن الله لانه قد فتح له ناقه خاتم بعد توفيق الله لول وانا اناشد الشباب الي يعرفون رقمه لايبخلون على اخونا فيصل وسلامتكم |
الله لايهينك ياسعود ولاتنسانا من الرقم أن حصلته |
يقولون البدو يقولون !! ان اللي مثل حالتها تطردها بالسياره الين تتعب ،، وبعدها خل حد يدس عليها او نوخها والسسب ان حكيمتها ترتخي |
| الساعة الآن 13 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |