استشاره ياجماعة الربع
 

السلام عليكم ورحمة الله وبركاته

اخواني عندي ارض زراعيه متوفر فيه الماء واريد زراعتها رودس خمس ابراج وبحط فيها الابل
وسؤالي هنا هل الرودس كافي علف للابل ولا حشو بطن بدون فائده
لاني وجدت مزارع من هذا النوع والابل طيبه ولكن لااعرف هل هو يعطيها مكعبات الوافي ولا حالها طيب من الرودس فقط
لا استغني عن رائكم في هذا الموضوع قبل ابدا المشروع ولكم مني جزيل الشكر

تبي النصيحه الي ما بعدها كلام

الرودس ممتاز
لاكن حط الرشاش نصف دوره ردوس والنصف الثاني
فيه شجره اسمها البلوبنك

شجرة البلوبنك البروتينات فيها قريبه من البرسيم او مساويه له

فأنت تصبح البل بالبلوبنك ساعة وبعدين تهدها في الرودس
وبعدين تطلعها العصر للبلوبنك

وتصير من خيار البل ومن سمانها ومن احسنها صحه

الرودس يخبش في اديود البل
ولاكن معا القاح طيب

عليك في البلوبنك
هو ممتاز جدا جدا وسريع الإنتاج والفائده وليس حشو بطن

الرودس زين للقحات
اما الخلفات انحش عنه

الرودس مايكفي لحاله لكنه حشيش طيب والبلوبنك يذكرونها الربع ولاشفناها الظاهر انهامثل بيض الصعو.

يالربع ارجوتزويدي بمعلومات عن البلوبنك يالي تنصحون به من ناحية كيفية زراعته وموسمه وهل يحتاج كميه كبيره من المياه وهل يعيش في الأجواء البارده وين القاه

اللي أعرفه ان نبت البلوبنك حتى اسمه صعب انه معمر يستمر الى اكثر من ست الى سبع سنوات وهو غني بالبروتين ونسبته عاليه وانا ماعمري شفته يذكرونه ولا حصل اني شفته في اسواق العلف الظاهر مثل ماقال الاخ علي
انهامثل بيض الصعو !!!