من اللي بيعلمنا وش علة الناقه؟
 

السلام عليكم ورحمة الله وبركاته



عندي ناقه شاريها العام ومتنوق بها عند لها بعير وقعدت عنده فوق الثلاث شهور راعيها عندها وعلفها كذلك

المهم الناقه يوم جبتها عندي في جو سمين الا حالها غايب وضعيفه ولاهي اتدنق فالعلف واجد

وترفع راسها فوق وتشامس وتفتح مناخرها في حالة الشهيق..

وقالوا لي ربع يمكن فيها خشام

مالكم في طويل اظهرت لها الدكتور عاطف بيطري معروف فالمنطقه وكسر اللي هو كسر من الخشام ولا الله راد انها اتطيب

وعقبها بفتره تطببنا فيها حنا وعلى نفس الحال ...لاكسبت الناقه ولا تعافت وكلانها ردي وحالها غايب ومناخرها تفتحها

وادناه قبل اربع ليالي تمدح لنا واحد من الربع وقال انه يعرف للخشام

ويوم ادخل يده في خشمها فلقاه بارد والله يعزكم فيه ريح وقال اشهدانه شايخ ومزمن وكسره وطلع منه دم وقطع ...

طبعا الخشام اللي في الناقه من جهه وحده من الخشم والحاله فيها من شهر سته انجليزي يعني قبل اربع شهور

ويوم جا اليوم وشفتها فايها على نفس الحال

جيتها ابغي اغسل وجهها فيهب علي ريح يفض الراس من خشمها وعقبه دهنته بزيت عافيه ابغي اربه يلين ويطيب

فياجماعة الخير

اللي قد مرت عليه مثل ذا الحاله يفيدنا الله لايهينه

يعلمنا وش السواة في ذا الناقه ولا غير يدلنا على رجال بصير يعرف علتها

يعلم الله انها غالية عندي واني مهتم منها جداً ..

والله يكتب اللي فيه خير وصالح

وأسف على الإطاله

مرحبا ياهادي ولاعراض اللي ذكرتها اعراض الهيام راعيته مستدقة وماتاكل او اكلها قليل وتلقاها مناحرة الشمس وعيونها تدمع وتوزر كثير واذا شاخ في الناقة نهايته ابو دبة والله يشفي ناقتك انشاء الله والريح لمحق يمكن من بطنها ماهو من الخشام .

مسيت بالخير يا هادي انت وابو عدوه ونا مع الاخ محمد ابو عدوه الاعراض المذكوره اعراض هيام عطها ابره هنديه اسمها تراي كوين كرتونها ازرق عطها 10 مل ولا تزيد والله يشفي نا قتك والسلام

الناقه قد ضيرها سوادني ؟؟؟؟؟؟
قبل فتره علمني صديق لي عن ناقه اشتراها من سوادني ويقول بعد ما اشتريتها بفتره طلع ريح من خشم الناقه وضعفت وقل اكلها ولقو في خشمها وبر من الضيار والحمد لله تعافت مطيتهم

المشكله ان الريح من الجهة اليمنى فقط