استفسار للاهميه
 

السلام عليكم ورحمة الله وبركاته
اخواني اعضاء المنتدى الكرام كل عام وانتم بخير ومن العايدين بعد الزحمه سؤالي الله لايهينكم شرا الوالد قعود اوضح من رجال وقال
ان ابو القعود هو فحل /ابن عتيق العضياني
المطلوب اذا كان احد يعرف اي معلومات عن فحل ابن عتيق من حيث الاصل والشكل او اذا فيه صوره وتقبلوا تحياتي,,

ياخوي يا متعب مدري الفحل قد شفتله مقطع فيديو ولا فيه كلام لافي الشكل ولا الانتاج

بس تاكدو من راعيه الي باعه هو افضل واحد بيفيدكم والله اعلم

هذا فحل غازي عتيق العضياني من تصوير الأخ / فزاع البدراني


هذا ما لدي من معلومات ، وأما بالنسبه لـ الأصل ماعندي عنه أي علم

http://alajman.net/up/uploads/e8a11dabb1.jpg

طال عمرك في بعير كان موجود فالرياض ولد بعير ابن مهنا السبيعي

واسم امه الزعيمه والبعير طيب جدا وانتاجه فاخر والمالكه لغازي عتيق العضياني

وكان عليه سووم مايقارب اربع مية الف ريال وبعارين ابن عتيق واجد

لكن البعير الي ذكرت لك اعرفه شخصيأ وبعير طيب ولا عليه كلام

والله يرزقكم ان شاءالله في قعوودكم ولا تعجلون عليه انتظرو

والبعير الي انا اتكلم عليه ماهو اووضح اشقح ماهو اوضح برده

ماعندي علم
وبشوف اهل الوضح

وعليك السلام ورحمه الله وبركاته

اخوي متعب

غازي ابن عتيق العضياني

عنده فحل ولد بعير ولي العهد الامير سلطان اللي حصل على المركز الاول في مزاين نوفا عام 1421 مع فنجال الشيباني فئه الوضح ونتقلت ملكيته لى ولي العهد

ومن انتاجه الزعيم حصل على المركز الاول بنوفا الاخير مع فنجال فئه الوضح فحول

ومن انتاجه المركز الاول فئه شقح فحول مع نشا بن ناشي

ومن انتاجه المركز الخامس فئه وضح قعدان مع غازي ابن عتيق

ومن انتاجه المركز السادس فئه وضح قعدان مع خالد حزام بن حثلين

ومن انتاجه اجمل ناقه وضحى في ام رقيبه لعام 1428 مع هيف بن عبود

وغازي له ثلاث سنين هاد القعود هذه في البل وساسه على رمان

وفنجال شاريه من الفصام

والفصام شاري ابوه من عميق الغييثي