|
وبَال جديد السلام عليكم و رحمة الله و بركاته يا إخوان إخوكم له وقت يلقط البكار الحلوة و عندي سبع الحين و كل ماحصلت على و حدة طيبة شريتها المهم أنا أفكر أشتري مفرود مزيون على شان أستفيد من الوقت و يكون خلال 3 أو أربع سنين عندي ذود طيب. السؤال هو 1. كم ألقى مفرود عليه الكلام يكون فحل مستقبل؟ و إذا كان عندكم ملاحظات على الفكرة أتمنى أسمعها |
وش اللون الي اخترته بالنسبه للقعود مايشراء على شكله الافضل تشتري قعود قد شيف انتاجه واذا ملزم على الشراء مفرود قعود اول شيء يكون ابوه منتج من الدرجه الاولى وأمه تكون مزيونه لان القعود في احيان كثيره يجيب امه وشف خواته من امه و ابوه اذا زيان اشتر وتوكل على الله و لا تنسى الشكل خاصه لراس القعود يكون مميز والاخون راح يفيدونك اكثر مني |
و الله ياخوك أنا إخترت الوضح وبيض الله وجهك على الرد الوافي و إذا ما عليك كلافه تفيدني كم الأسعار المناسبة للقعدان اذا تأكدت من التوصيات اللي تفضلت فيها |
الاخ ثامر من 200الف وفوق |
حياك الله يا ثامر الله يوفقك ويعينك البكار وانا اخوك تكون غوالي على الوبال الجديد وانصحك تشتري نياق متوجهه ومن ابل طيبه وضربها عند اهل الزمول المشهوره ما استطعت والحمد لله هم اللان كثر ونتج البكار انت بيكون افضل لك واقل في التكاليف اما بخصوص القعود فخذ بنصيحة من سبقوك وانا واحد منهم اتعب على القعود الطيب واللي من اصل ابل طيبه ومثل ما تفضل الاخ بندر شف امه وابوه وجده وجدته من كل صوب وخواته وعماته ولي اعجبتك البل اللي هو منها اشتر ولا تخاف و اوصيك بالساس ولو دفعت زياده شوي اما من حيث الاسعار فهي متفاوته من 100 الف الى 500 الف للمفاريد وقد تكون اغلى من ذلك ولكني انصحك بان لا تزيد عن 200 الف وكذلك انصحك بان لا تدفع مبالغ عاليه لقعود ليس له ساس مهما اعجبك شكله لان اللي يشتري مفرود يشتري ساس وليس شكل تمنياتي لك بالتوفيق وتقبلوا تحياتي |
أولا: الله يوفقك أخووي ثامر المطيري وبصر1حه أنا مع كلام أخوي عبدالرحمن ..إنك تشري نياق متوجهة وتضربها ..يعني تعتمد على الانتاج لان الشراء بيكلف عليك.. يعني مثلا تبي تشري لك مفرودة وتنتظر 5 سنوات وتضربها <<يعني العمليه تأخذ وقت طويل.. أتنمى إني أفدتك اخوك فيصل الشلاحي |
شغلك مناسب وانصحك تخذ قعود ساس قبل الشكل |
السلام عليكم و رحمة الله و بركاته وصلت الفكره وجزاكم الله خير على الردود التي تكرمتم بها |
كلام الاخوان وفى وكفى الا ان سعر القعود ماهو اساس فمثلا اعرف لك واحد من اهل المغاتير فحل ابله يسام حاليا ب 6 مليون وهو شاريه تحت امه ب 160 الف لكنه راعي نظر واحد الامراء دخل الجنادريه مع احد مستشاريه هل النظر وشراله قعود مجهم ب 7000 ريال من سوداني وسماه على اسمه وهو من الفحول المشهوره بالزين والانتاج حاليا وفي المقابل هناك من شرى بمئات الالوف بدون معرفه وحاليا لو يعرضه بالربع والثمن ما باعه اذا النظره والمعرفه مهمه و توفر عليك الكثير من المال اما الرجل المقتدر فبيشتري على الزين والساس ولو زاد المبلغ وانت اعرف بوضعك والله يرزقك |
أخوي حاتم جزاك الله خير |
وأنا أضم صوتي لإخواني وأشدد على الفحل إتعب وانا أخوك على الفحل فهو عمار البل وعليك بالساس مثل ماقال البدو هد في البل أسرارها أهم شي ساس القعود وأصله فإذا لقيت القعوداللي جمع بين الساس والزين وأنت راع طويله في البل فتوكل على الله وشاور أللي أقدم منك وأخبر منك واشتر ولا هي مهونة فيك لكن أنت طلب شورنا وما خاب من استشار وعز نفسك مادام تقدر تعزها عن الناس وتراك إن وفقت بالفحل الزين فقد اختصرت على نفسك تعب كثير ولا تنس أخوي أن تشاور أللي أعظم وأخبر وأعلم من الناس كلهم لاتنس صلاة الإستخارة وأنا على يقين لو مشيت بشورنا إنك لن تندم بإذن الله تعالى |
أنـا مـع أخـوي عبدالرحمـن بـن عبد العزيــز في كلّ حـرف قالـه .... وأسـأل اللـه أنّـه يوفقـك .... |
أخ ناصر ولا تهون وجزاك الله خير أخ مشعل جزاك الله خير |
اتمنى لك التوفيق والى الامام |
اما نصيحتى لا تشتري بكار اشتر من جذعه وفوق واشتر خلفات ولقحات هذه البدايه الصحيحه |
| الساعة الآن 16 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |