السلام عليكم ورحمة الله وبركاته

للابل احاسيس لا يعرفها الا من كان دائما بقربها

هذي قصة قرأتها واعجبتني واحببت ان تشاركوني غرابتها

القصة تقول

اخواني اليوم حصل لي موقف غريب جدا رحت لمنتزه وفيه حيوانات باقفاصها
وكنت ادور واتفرج لعجيب صنع الله وسبحانه حيوانات جدا غريبه
ولما قرب المغرب قررت اني ادور حوالين الحديقه قبل لا اطلع
يعني نوع من الرياضه والاختلاء بالنفس قليلا

وسبحان الله لفيت ولقيت بعير كبير وكان وحيد بزاوية الحديقه

طليت يمين وشمال ما لقيت احد يعني المنطقه اللي انا فيها خاليه سوى مني والجمل

قربت له وظليت افكر في خلقته العجيبه وانا واقف وفي دقائق الصمت فكرت ان الجمل وحيد

قربت منه ودخلت ايدي من الشبك وحطيت ايدي على وجهه وبما انه ما في احد حولي قلت بكلم الجمل

حطيت ايدي على وجهه وشويه احطها تحت ذقنه وهو سبحان الله كان يقرب وجهه كثير لايدي

كلمته وقلت له انت وحيد والله اني حاسن فيك الوحده مخيفه وهو والله العظيم كانه يتفاعل مع كلامي

وقلت له انت حزين والله العظيم يا اخواني انه نزلت من عيونه دموع وظلت تنزل تنزل الين ابتل خده حسيت قلبي تقطع عليه

قلت له باحاول اكلم احد يجيب لك ناقه تونسك بوحدتك اجمع راسين بالحلال

بس والله رحمته حسيت انه فاقد راعيه وفاقد القطيع اللي تربى معهم لانهم جابوه وهو كبير

وتركوه لوحده لا انيس ولا ونيس بزاويه ما حد يروح له

واللي مستغرب من بكاء الابل ترى الابل تبكي على فراق راعيها او فراق ولدها


ولما اذن المغرب رحت باصلي وظلت عيونه تلحقني الين وصلت للمصلى

سبحان الله