|
مالك الفحل يطلب المشوره 2 مرفق مساكم الله بالخير جميعا مالك البعير رفيقي ولا يعرف استخدام النت ويطلب المشوره بدون مجامله مزاياه وعيوبه سنه/ثني ....وشاريه حوار من ابل سلطان العضياني |
اللـه يبـآآآآرك لــه .. واهمّ شي الأصــل ..! البعيـر عـادي ,,, |
ا الله يعطيك العافيه اخوي مشعل راعي البعير يبي يستفيد من الملاحظات اذا امكن ذكرها |
يفيدونك اهل المغاتير ونظرتي له انه متوسط بصفه عامه اذنه رديه بالنسبه لكم يااهل المغاتير وراسه وخشمه فوق المتوسط ورقبته زينه وكايفه وظهره من المتوسط او دون شوي ومثله غاربه وعرقوبه ردي وأن أصبت فمن الله وان اخطأت فمن نفسي |
مشكور اخوي عبدالله والله ودنا اهل المغاتير اصحاب الخبره يفيدونا لكن الظاهر انهم عند اباعرهم فالبر الله يبارك لهم في حلالهم وعند عودتهم سالمين بإذن الله نرجو الادلاء بآرائهم ونظرتهم لأن صاحب الفحل ينتظر انتاجه خلال الشهرين القادمين علىنياق عنده ويبي يتخذ قرار بعد الانتاج ومشورتكم المفيده ستوضح كثير من النقاط في هذا المجال لتصل الفائده وتبلغ المقاصد وتسلمون |
البعير عادي جدا رقبته هي الزينه ضهره ردي وعرقوبه كذلك البعير لازم يجي معرقب هاذي نضرتي ان اصبت فمن الله وان اخطأت فمن نفسي وسامحوني على القصور |
الدعوه وانا اخوك في الاصل ان كانت امه وخواته طيبات لا يفك البعير لين يحكم على انتاجه |
يا الثبيتي أهم شيء قبل النظر أمهات البعير خواته ابوه أمه كانها طيبه البعير يتله عرق الأصل ويطلع إنتاجه ويطلعه وإن كانها دون شوي لا يهمك لو نظرته زينه بالنسبة للبعير من رأيي الشخصي سيف الحي زين الغارب زين الرقبه لا باس البعير له عيز وعرقوبه أركز ما هو هزع وما اقول إلا الله يطرح لك فيه البركة |
السلام عليكم ورحمة الله اخوي من ناحت الراس بشكل عام متوسط وغاربه زين ورقبته زينه ونضير بنائن على الصوره وعرقوبه عادي واهم شي الساس والله يطرح في البركه وتقبل تحياتي |
البعير كل شي فيه طيب الا 3 الاذن والعيز والعرقوب ولا غيره البعير طيب واذا اصله طيب لا يهد البعير وجهت نظر واتمنى اها مقبوله |
الله يطرح البركه |
| الساعة الآن 42 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |