استفسارات
 

اخواني الاعزاء


السلام عليكم ورحمة الله وبركاته


لدي استفسارات

اولا : هل تشحيم الفحل في هذا الوقت مناسب بمعنى انقع العلف عنده ؟ نكرر في هذا الوقت ؟؟

ثانيا : هل صحيح بأن الفحل اذا كان اكلة يكون انتاجه كذلك شين الطبع ؟

ثالثا : تشحيم الناقة اللقحة في الربع الاخير هل له سلبيات ام ايجابيات ؟

رابعا : رزقني الله بقعود عمره الان ثمان اشهر وظهرت فيه بوادر الزين ونصحني الكثير بتفحيله فكيف الطرق المناسبة للعناية به انشاء الله؟

وشكرااااا

يفيدونك الشباب ومايقصرون

شكراا لمرورك

وعليكم السلام ورحمة الله وبركاته

اولا : هل تشحيم الفحل في هذا الوقت مناسب بمعنى انقع العلف عنده ؟ نكرر في هذا الوقت ؟؟

البعير اذا هاج راح يترك العلف من نفسه وراح يقفل بطنه ويقل الشحم اللى فيه


ثانيا : هل صحيح بأن الفحل اذا كان اكلة يكون انتاجه كذلك شين الطبع ؟

لا موب شرط ممكن ايه وممكن لا


ثالثا : تشحيم الناقة اللقحة في الربع الاخير هل له سلبيات ام ايجابيات ؟

في نضري انا اشوف انه عادي اللهم خف عنها العلف وعليك بالمشي يوميآ


رابعا : رزقني الله بقعود عمره الان ثمان اشهر وظهرت فيه بوادر الزين ونصحني الكثير بتفحيله فكيف الطرق المناسبة

للعناية به انشاء الله؟

الطرق واجد

1/فك القعود وسط امهاته ولا تربطه

2/اذا صار سنه حق حط له قيد وخله طويل شوي لين يتعود عليه وبعدين قصره

3/حاول انك تقارد القعود وتوالفه

4/حاول انك تعزله عن امهاته اذا صار سنه لقي لانه بيشغلهم و الله الله في العلف

5/اذا صار عمره جذع وهاج فك قيده وقت الهداد وتابعه لين يتعلم الضراب لان فيه اركاب خلوها على تكلى الراعي وتبرك قدام

ان شاء الله اكون افدتك والاخوان موب مقصرين كلن يدلي بدلوه

مرحبا ياتركي ١-الفحل خف الاكل عليه عطه الغذاء الرئيسي الشعير واقطع عنه البرسيم او عطه ربع ربطه في اليوم اوعوض عنه التبن باي كمية حتى يخف بطنه ويهيج .٢-الفحل المكول لاتستارث حشوانة هذا الطبع .٣-اما اللقحة في الشهرين الاخيرة خف عنها الطعام مع اطلاقها مع البل بمعنا خلها تسرح وتضوي .٤-اما القعود الفحل خله مع امه يتم السنه في الرضاع وبعدها اعزله وخل حوض البرسيم مايفضى وعطه شعير مع مكعب .

ماقصرو الاخوان والله يبارك لك بما اعطاك