|
البعض قال ان فيها بودبه السلام عليكم عندي استفسار عن بكره حقه شارنها في شهر واحد ولاحظت انتفاخ في يورها البعض قال ان فيها بودبه وعند البيطرين يسمونه سرطان والبعض قال انه مجرد برد وبيزول حيث انها ماقامت تمشي الا بصعوبه وراح عنها بعد اسبوع تقريبا والحين زان شكلها وسمنت ولا كأن فيها شي واذا كان بودبه فكم ياخذ هالمرض لين ما يموت البكره وحبيت اتأكد من اللي فيها هل هو بو دبه ولا؟؟؟؟؟؟؟؟؟ والسموحه |
وعليكم السلام والرحمه الله وبركاته هلا والله أخوى سالم حياك الله وان شاء الله الأخوان يفيدونك دمت بود اخوك |
والله ونا خوك ماعندي خبره في هذا المرض ان شاء الله الأخوان بيفيدونك انتظرهم أخوك \علي العتيبي |
الأخ سالم النصوري هلا بك بوديه الذي اعرفه هو التهاب يكون قدام الديد ويمشي على البطن ( بشكل ورم كيبر دائري ) وهو مرحلة من مراحل الهيام ويفضل استخدام ابرة الهيام ( تركوين ) مرة واحدة فقط وتعطى تحت الجلد في منطقة الرقبة ويفضل أخذ عينه من الدم لمعرفة السبب والله اعلم ودمت بود أخوكم / عبدالعزيز العبدالله |
مشكورين عالاهتمام والردود لكن المرض اللي اقصده هو بودبـــه المعروف مثل السرطان مرض اذا اصاب ناقه ذبحها حيث انه ياخذ سنه قريبا ليما يذبح الناقه بس انا ابتاكد اذا البكره فيها هالمرض او لا فكيف اعرف هالشي ممكن اعرف عن طريق فحص الدم واذا كان بودبه هل التورم اللي بسبب بودبه يروح ويرد لان البكره الحين مافيها شي والبعض قال بودبـــه والبعض قال لو هو بودبـــه كان تم الورم ماراح وانا ابى اتاكد اذا هو بـــودبـــه اولا؟؟؟؟؟؟؟؟؟ ومشكوووووووووووووووووورين |
الأخ سالم المنصوري هلا بك المرض هو ابو دبيبه ويفضل أن تحقن الناقة كالتالى : 1_ ابرة الهيام ( تركوين ) تعطى مرة واحدة فقط تحت الجلد في منطقة الرقبة . 2_ ابرة ( ديورازون ) تعطى في اللحم 25سم لمدة 4 ايام . 3_ ابرة ( اوكسي ترسيكلين ) في اللحم 25سم لدة 4 ايام . والله يشفيها ودمت بود أخوكم / عبدالعزيز العبدالله . |
يزاك الله خير خوي عبدالعزيز العبدالله ماقصرت مشكووووور عالاهتمام والرد وجعله الله في ميزان حسناتك |
ماعليها خوف انشاء الله الاخ سالم المنصوري البكره صغيرة سن ولا يمكن ان تصاب بمرض ابو دبه اذا كانت حقه كما ذكرت لان ابو دبه تطور لمرض الهيام او الزنبور يستمر فتره طويله ولا تموت الناقه بسببه الا اذا لم يتم علاجها لفتره طويله عند ذلك يمكن ان يؤدي المرض الى النفوق وراعيت ابو دبه ماتسمن بسهوله يمكن بكرتك اذا كنت محملها من مكان لاخر اثر عليها التحميل لان الحبال المستعمله للتحميل رفيعه جدا مما يمكن ان يسبب الورم ويمكن للدغه ان تسبب ورم ايضا وما دامت سمنت ابشر بالخير فقط اعطها ابرة الزنبو ر او الهيام مره واحده احتياط ولا تعطيها الديوريزون اذا لم يكن بها وريم لان له تأثير سلبي على الكلى ويستخدم 10سم للناقه الصغيره الى 20 للناقه الكبيره ويمنع اعطائه للنوق الحوامل خاصه مراحل الحمل الاخيره واشكر الاخ عبد العزيز على وصفته وهي صحيحه ولكن الكميات كبيره جدا على الحقه وتقبل تحياتي اخوك |
يزاك الله خير خوي عيد المنصوري ماقصرت مشكووووور عالاهتمام والرد وجعله الله في ميزان حسناتك |
ما قصرت يا عبدالعزيز زلا انت يا اخوي عيد اخوكم مشعل اليامي |
| الساعة الآن 10 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |