الناقة ما تلقح وش الحل فيها
 

فيه اسباب كثيره لعدم اللقاح
يمكن انك تضرب الناقه وهي ماهيب ميسر
ويمكن انها سمينه

اليا منه اضربها الفحل خلها تدرهم مسافة عشرين متر تقريبا لأنها يساعد على اللقاح

والله يوفقك

أبو فارس الله يبارك لك في حلالك

عطنا بعض المعلومات لعلا إن شاء الله يفيدونك الأخوان أهل الخبرة والتجارب.

سن الناقة ؟
الناقة ستالدة من قبل؟
الناقة سمين؟
الناقة تيسر بمعنى الناقة تطلب الفحل أو الفحل يطرد وراها لين يبركها؟

وأي معلومة وأن كانت صغيرة تراها تفيد إنشاء الله تعالى.

أو عبداللطيف

اقتباس:

أبو فارس الله يبارك لك في حلالك عطنا بعض المعلومات لعلا إن شاء الله يفيدونك الأخوان أهل الخبرة والتجارب. سن الناقة ؟ الناقة ستالدة من قبل؟ الناقة سمين؟ الناقة تيسر بمعنى الناقة تطلب الفحل أو الفحل يطرد وراها لين يبركها؟ وأي معلومة وأن كانت صغيرة تراها تفيد إنشاء الله تعالى. أو عبداللطيف

الناقة فاطر ونشيط باقي فيها كم بطنه

العام واللي قبله عيت تلقح عندي وقد استالدت

والناقة تبرك للجمل ويضربها والناقة كانت سمين وهالسنه خف شحمها شوي

الناقة اللي تحيل تسمن ولكنه مايمنع اللقاح بقدر مايعوق الفحل عن ضف الناقة ـ عموما المستالدة يظهر في رحمها لحم يقولون انه يمض اللقاح ، التنظيف بواسة الدس والإدخال ضروري لضمان سلامة الرحم وبقاء اللقاح فيه ، كما ان التقطيع مهم لأنه علميا ينبه الرحم للإستجابه ، شف لك خبير من السودان يعاونك عليها ولا تضرب الا على يسره 00والله كريم0

الله يكتب اللي فيه خير

مع الاخ فارس واذا قطعت منها انتبه من المضاضه تقطع بعد واخلف عليها الفحل اذا لزم الامر

والتوفيق انشاءالله

قطع الصيد عنها

[QUOTE=فارس القصاب;204441]الناقة اللي تحيل تسمن ولكنه مايمنع اللقاح بقدر مايعوق الفحل عن ضف الناقة ـ عموما المستالدة يظهر في رحمها لحم يقولون انه يمض اللقاح ، التنظيف بواسة الدس والإدخال ضروري لضمان سلامة الرحم وبقاء اللقاح فيه ، كما ان التقطيع مهم لأنه علميا ينبه الرحم للإستجابه ، شف لك خبير من السودان يعاونك عليها ولا تضرب الا على يسره 00والله كريم0[/Q

كلامك هو عين الصواب
لاكن ايزيد عليه محلول حق تنضيف الرحم قبل الاضراب بسبوع
وبعد ما يضربها البعير ايقطع منها حتى لو مافيها قطيع ايحاول يبشط بالموس من فوق على الطرف حتى ايسيل الدم
لأنه علميا ينبه الرحم للإستجابه

اعقلها بعد اضراب البعير وخلها 3 ساعات بعدين فكها ويفضل انه يضربها البعير صبح بدري واعقلها وخل الابل تسرح جرب هذي الطريقه وان شاء الله تلقح ناقتك

الله يفرحك بلقاحها

اخليها تلحق البل وإلا اقفل عليها في شبك

أخوي ما ادري وش المغزى من تركت البل تسرح وهي معقوله وضح لي لو سمحت

الحل يابو فارس الله يسلمك

ليا قام البعير منها حط ملح على نص الكف في حياها
مجربه وكل شي بامر الله