وضح ٍ ليا مني من المدن مليت (( عبدالله بن عون))
 

السلام عليكم ,, أسعد الله مساكم بكل خير وعافيه

هذه قصيدة في الأبل المغاتير ومن أجمل القصائد التى قرأتها عن الأبل

ومن شاعر له ثقله في الجزيرة العربية

ألا وهو الشاعر : عبدالله بن نايف بن عون الرويس العتيبي

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
يا كان من ليلة على أرضك تساويت=عيـا وفاقـك لا يـلايـم وفـاقـي
لو كان فالضيفـان مـا قـد ترديـت=وجوك متيـع و تعتنـي بالطراقـي
من يوم طبيتك و أنـا مـا أسفهليـت=لعـل مـا يبقـى لأهاليـك بـاقـي
حاولت أوسع خاطري فيك و أزريت=بيني و بين أطبـاع أهلـك انشقاقـي
واليوم غايـة رغبتـي لـو تمنيـت=فرقاك و أنتـه مـا تبـى إلا فراقـي
واللي على بعده مـن البعـد حنيـت=وينتابنـي عقـب الحنيـن اشتياقـي
نجد وهواه و شوف هاك السباريـت=اللي لها في وسـط قلبـي رواقـي
ومنادمة روس الرجـال المناعيـت=كل أبلجـن لـه فالطويلـة مراقـي
ولحدٍ يواخذ ني ليـا قلـت هاويـت=وضح ٍ تفرق ما اجتمع من ضياقـي
وضح ٍ ليا مني مـن المـدن مليـت=معها انشراحت خاطري وانطلاقـي
أمـا ليـا سنـدت و ألا ليـا نحيـت=مع درب براق ٍ سر الـه شعـا قـي
برق ٍ سرى يوضي كما يوضي الليت=بعروض نوى ٍ ساق مزنـه وساقـي
وتعرضه من رايح الشـرق تثبيـت=يثني على الريض أرقـاب السباقـي
ليا شفت براقه على سيلـه أرهيـت=بيـض مراهيشـه مطرهـا حقاقـي
تذبح لهـا حـي ٍ و تحييلهـا ميـت=وتصبح به الوديان مثـل السواقـي
وأما تحاسنـت العساسـه و عسيـت=ومشيت مـع سيلـه و نبتـه دقاقـي
وألا على دربه ليا أصبحـت شديـت=وخليتهـا تـاط الحثـم و الرقاقـي
وضح ٍ ليا احتست و شافتني أنويـت=قامت تسـوق أنفوسهـا مـا تساقـي
تنجال مثل الصيد لا صحت وأوميت=وألا ليـا طـق اللبيـد العـراقـي
يجيـك ممشاهـا تبـارى تفاخـيـت=مافي بعضها عن بعضهـا انفهاقـي
ولو حال من دون المعشى مراريـت=ترهـي عليـه معربـات العمـاقـي
من ساس وضح ٍ فالجز يره لها صيت=علـى مخاذعهـا تلـوح الحلاقـي
وليا تثنـت فـي نبـات السواريـت=في خايـع ٍ لأرقـاب نبتـه زراقـي
غادي بوسطه لأم سالـم زغاريـت=وفيه الزبيدي مثل بيـض الطواقـي
ثـم جيـت فأولهـا وللنـار شبيـت=وقضب عراقيب الـدلا ل الشلاقـي
ما غبطك يا للي فالحضـاره تلويـت=يا موالف الجدران ويش أنت لا قـي
لو كان فالحصن الحصين استكنيـت=وتقول أنـا مرتـاح مانيـب شاقـي
كانك على هالأنطـواءى استمريـت=وسويـت مـع بـث القنـاة اتفاقـي
أما من السكـر شبعـت و ترويـت=وألا بصرك أوشك على الاحتراقـي
سج النفس واضرب دروب الخراريت=لو ما تذوق مع الخـلا مـا يذاقـي
ما ينطوي في غرفة ٍ فأخـر البيـت=غير الـذي راسـه يبيلـه عراقـي
[/poet]

عبدالله بن عون له العديد من القصائد في الأبل

وياليت من يعرف قصيدة اللي يقول

ياماحلا مع دخول المربعانية ,, طرد المعاشي على أول شبعة الحاشي

يتحفنا بها

سلطان العضياني
بيض الله وجهك وصح لسان ابن عون

بيض الله وجهك وصح لسان ابن عون

اخوي سلطان العضياني


مشكوووووووووور على النقل وصح لسان الشاعر ابن عون

اخوك

مشعل اليامي

الله يعطي العافيه ناقلها

وصح لسان الشاعر

والجميع موفقين خير

أخوكم علي عبدالرحمن

أررررررررررررحب ياسلطان



حيه وما جاب بيض الله وجهك على هذا النقل الثمين



صح لسان بن عون



تحياتي لك

بيض الله وجهك ياسلطان على النقل الاكثر من رائع

وصح لسان أبو نايف


اخوك مشعل الرويس

الاخ سلطان العضياني
شكرا لك على هذا النقل الجميل من الشاعر الكبير عبد الله بن عون
كانك على هالانطواي استمريت وسويت مع بث القناة اتفاقي
اما من السكر شبعت وتر ويت والا بصرك اوشك على الاحتراقي
صحيح يا ابن عون شفت ابن عون مره وهو جالس على كرسي والرجال جالسين على الارض يمكنه يعاني من بعض الامراض وتذكرت شوفي له في خبيب الريم وهو على الكرسي والامراض عافانا الله واياكم منها
الاخ سلطان عافاك الله وشكرا لك

عبدالرحمن المقباس

لاهنت وجزاك الله خير ,,, تشرفت بحضورك