استشارة يادكاترة المنتدى
 

انت طلبت الدكاتره بس ماني بدكتور للأسف بس بعطيك نظرتي في هالحاله
اتوقع انها عصب وان كانه في بدايته فيه علاج عند البيطري ان شاء الله يفيد وان كانه مبطي فيها ماهوب فايد

ان كانك تبيها أنتاج هي بتضرب وتلقح عادي وان تبي تمشيها تمشي بعد بس مشيها بيكون بطئ
والمشكله اذا جيت تضربها لازم انت اللي تبركها عشان ماتسنّد الناقه ويوجعها الفحل
ان شاء الله افدتك

ان شاءالله يفيدونك الاخوان

الله يشفيها ان شاء الله ويبارك لك

يمكن الناقة فيها كول اذا فيها كول لها طريقه يفطر حبوب الكول بالبره حتى يسحب دم اصفر لين يصفى الدم وبعدين تريح الناقة لمدة شهر ويمكن بعد عصب مشتد صعب ليونة بس فيه ابرة حقت الاعصاب زينه جدا اسمها كوتوفين إن شاء الله ينفع معها والناقة مايضرها اضراب ولقاح علمه عند الله وإن شاء الله انا فدناك

مرحبا يامنير والحلل صوت طقطقة في مفاصل الناقة اما ناقتك اللي فيها كول وليس له علاج وكان الناقة غالية وتستاهل تتعب على شانها فالله يعينك ولا يمنعها الكول من اللقاح بس خلها حمامة دار في العزبة وحولها .

الكول تطرق الخف والمفصل
والحلل اذا قامت الناقه تسمع لها صوت طقطقه
العصب لا جت تبرك الناقه تطيح على احد جنوبها واذا قامت تطيح اكثر من مره لين تنهم عمرها وتقوم واذا تطور فيها تجلس لمدة يومين او 3 ماتبرك

هل هذا مرض
 

مساء الخير ـ عندي ناقتن لقحة سنها سديس ـ في الشهر العاشر ، ولا تشره عليها في شيء الا انها احيانا تقف وتعطف خف رجلها اليسار ، يعني كنها ساحبة رجلها للأمام وراكزة الظلف على وجه الارض ، هل لديكم تفسير للحالة ، وهل هو بوادر مرض ، أم من ثقل اللقاح وشكرا,,,,,,,,,,,

بيض الله وجيهكم جميعاً اخوي عبدالله هل للكول علاج
وهل للعصب علاج
عندي وحدة تطرح نفسها على الجهه اليسرا كل ماجت تبرك

حياك الله يا منير الكول له علاج بس علاجه على فتره طويله

والعصب الى الان مالقو له اي علاج

وسلامتك

الاخوان ماقصروا
حبيت اعلق على استفسار اخوي فارس
الناقه مابها الا العافيه وهذا طبيعي ونوع من الاستراحه تسويه بعض البل ولا له علاقه باللقاح او المرض
وفقك الله

الكول علاجه بسيط وهو كوي بس موب اي واحد يكوي
والعصب ان كانها في بدايه فيه ابره تقوي الاعصاب وان كان العصب من زمان فيها مايفيد فيها الابره
ابنشدك ناقتك تقعد أيام ماتبرك ؟
لأن اذا زاد فيها العصب تتدهور الناقه اذكر في واحد من الربع يقرب الوايت يم الناقه عشان تسند عليه ماعاد تقدر تبرك
الله يعافيها ان شاء الله

لا ابشرك تبرك بس تتأخر ساعة وتبرك وترمي نفسها على اليسار .
تكفى يا ابو فاضل بشرني عسى لها علاج .
وبالنسبة للكول من اين تفطر حبوبه حتى يسيل الدم.
ومن وين يكوى وكيف.
تقبل تحياتي