|
مراح البل بسم الله الرحمن الرحيم يا اخوان عندي موضوع وابي اسمع رايكم في الفتره الاخيره صرنا نسمع كلمة ( مربط ) يعني يقولك الناقه الفلانيه من مربط فلان والبعير الفلاني من مربط فلان مع العلم حنا يا اهل نجد نسميه مراح فلان والا من ابل فلان والمربط هو ((( للخيل فقط ))) وانا من طلعت على الدنيا وعرفت البل ما نقول الا مراح البل وحتى ما قد سمعنا احد من شيابنا يقول مربط فلان ما يقولون الا مراح فلان واكثر من يسميه بهالتسميه اهل الشرقية واهل قطر والامارات وكلمة مربط ما سمعتها الا في المنتدى مع العلم كل واحد حر يسمي بالي يصلحله ونسمع رايكم |
أرحب يالدوسري المرابط للخيل أما الإبل فيقال ناقة من ذود فلان ولا من مراح فلان هكذا يسمونه البدو في كل مكان يمكن البدو الجدد عندهم مسميات تختلف أدخل على الله مابعد سمعت المربط إلا للخيل ؟؟؟؟؟ تقديري |
سللللللللللللمه ((( ورايك مثل رايي ))) مشكور على المرور |
صدقت يالدووسري حناا ياهل نجد مانقوول الا مرااح والمربط معرووف انه للخيل يعطيك العافيه |
مرحبا يا ياسر الصحيح ان يقال الناقه الفلانيه من المربط الفلاني نسبة الى ساسها وليس الى صاحبها وان كانها بالمعنى فكلمة مربط ابلغ في الدلاله على الساس من قولة مراح لان المراح يعني البل كلها اللي عند المالك سواء كانت كلها على الاخرى والا كل وحدة من ديره ! لكن اذا قلت مربط اتجه المعنى مباشره للساس المنحدر من ناقه وحده . فمثلا اذا بغيت تنسب الناقه هذي لساسها وهو ال الشرفا ايهم اصح (مربط الشرفا) والا (مراح الشرفا) ؟؟ اما البدو فقد يستخدمون عدة الفاظ لمعنى واحد ولا هو بشرط انكم سمعتوها كلها يا الربع تقبل الله منا ومنكم الصيام والقيام |
المربط للخيل .. وقد يسخدمها بعظ اهل الهجن ولاكن اهل الأبل الي عارفينة ومتوارثينه مراح ذود أبل ولكل منظقة لغتها الخاصه والأبل ما تربط مثل الخيل تشبك واستخدمة في الأونه الأخيره بكرة الشبك بكرة تحدي |
اقتباس:
لااتفق معك أبد في هذا الكلام ... الساس يقاله معمق الشرفا تحياتي |
وعليكم السلام نفس رايك اخوي ياسر ولا سمعت مربط تقال الا للخيل والابل يقال مراح |
اخي الكريم انت سألت وجاوبت على سؤالك بنفسك واجابتك صحيحه لك ودي |
كلمة مربط صحيح انها ماتقال اللا للخيل ولكن تعتبر هذي الكلمه اسهل للتوضيح واما كلمة مراح فاكثر الناس تلقي الابل اللي في مراحه تنحدر من سلالات مختلفه وانا اعتبرها كلمه لاتصف بالشكل الكافي اما بالنسبه لي فانا اذا عندي ناقه من سلالة ال شرفا اقول هذي من ( طنب ال شرفا ) وكلا على ماتعود عليه واهم شي ان الواحد يقدر يوصل المعلومه للجميع بالشكل الصحيح مهما اختلفت ديارهم ولهجاتهم |
بارك الله فيكم يا أخوان وانا اعرف ان المربط للخيل |
ارحبوووووووووووو كلن بأسمه ومشكورين على المرور والمشاركه وبالنسبه للموضوع الاغلبيه مثل كلامي وهذا الصـــــــحــــيح تقبلوا تحياتي |
السلام عليكم ورحمه الله وبركاته اهل الهجن 0الجيش يقولون عن الابل المقيمه الي ساسها واحد ومعروف مربط الفلانه علا امهن الي ينحدرن منها او ال فلان علا ابوهن وهذي تسميه قديمه جدا جدا وسلامتكم |
السلام عليكم أما كلمة - مربط - أول مرة أسمعه في الموضوع هذا ، جاورنا أهل حلال كثير من الشمال والجنوب ما سمعت أحد شيبانهم يقول مربط الرمانات أو غيرها ، يمكن هذا مديل جديد من الكلام في وصف الإبل ومن وجهة نظري أن كلمة - مراح - متطلق على ساس الناقة بتاتـًا ، يعني لا يقال مراح الرمانات أو مراح الطياحات ، ولكن يقال هذي الناقة من الرمانات أو الطياحات أو من بنات عبدان |
نعرف انا المربط انة للخيل وليس للبل اما البنوك ولمرح فهى تنطق على الابل |
| الساعة الآن 46 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |