أبغى الحل الله يرحم والديكم
 

]السلام عليكم ورحمة الله وبركاته ..


ياربع عندي ناقه العام كانت خلفه فردت حواره وبديت في ضرابها. وحاولت فيها العام تلقح ولافيه فايده .

والسبب انه تشاول تقول انها معشر حتى اللى يشوفها يقول اناقه لقحه .

وحتى الآن مازلت تشاول .وخاصه اذا حديتها فى مكان ضيق . من اللى عنده حل الله لايهنكم

اللى عملتها 1-ادخال وأبر تنظيف 2- حبوب تظيف

ولافيها حيله

[/size]

up...........

اخوي محمد اللة العام ان ناقتك فيها التهاب ونزيف في الرحم انا صار معى نفس الحالة بس ناقتى تحريت نتاجها واول مافكيت الفحل طرحها وجاء الدكتور ونظف رحمها وعالج النزيف والحمد للة القحت
تحيتي

يا هلا يامحمد

وما قصر اخوي فيصل

بس يمكن ناقتك فيها عش يعني معشش وتشاول كل ما جاها احد كنها معشر

تاكد من المشكله الي فيها لابد فحصها شفلك دكتور جيد وان شالله انها سهله

عسى الله يرزقك منها بالبكره الطيبه

اخوي فيصل .. لاهنت وبيض الله وجهك . وماقصرت

الاخ/ بندر .. الله يعطيك العافيه .. ولا يهينك على المشاركه

تاكد ان الرحم نظيف يعني مافيه التهاب

اذا يكون فيه التهاب يجب الادخال عليها وتنظيفها وادخال حبوب مضاد حيوي

عطها جرعة 40 سم مضاد حيوي (تيرامايسين طويل المفعول)

عطها جرعة 5سم ابرة ايسرة (ايستروميت) وكرر نفس الجرعة بعد 11 يوم

واعرضها على البعير بعد 3 ايام اذا يسرت وطلبها البعير فان شاء الله الامل كبير انها تلقح

واذا بقيت على حالها يعني تشاول وكانها لقحة فالامل ضعيف في لقاحها

الاخ / مبارك الله يعطيك العافيه .. وسبق ان سويت اللى قلت عليه ولاكن مافيه فايده .

وعسى الله يسر الامر . بس ودي استخدم الطب الشعبي . هذا للي ابغى لي خبير فيه

اوقد مرت به الحاله . عموما بيض الله وجهك وماقصرت .

الاخ / طلال لاهنت والله يسر أمرنا وأمرك . انه سميع الدعاء

اللي تشول ولا هي بلقحه
هذا لقاح كاذب
وهذي لها ابرة
كسر اللقاح الكاذب
وبعدين ابدأ بالعلاج الشعبي
والله يكتب اللي فيه خير
هذا والله أعلم

يسر الله امرك

مع مبارك المري وجرب ومنت بخاسر ان شاءالله

يمكن فيها ام غطيه
مثل لسان الطيربين الشعاري
تقطعها
والله يشفي عطايا الله

اخوي محمد مساك الله بالخير اذا انت متاكد مافيها صيد فخذ تمرة ويدخلها واحد خبرة وطلع العجمه وبعدين ادخل لي غاز لين ياصل اخر الرحم بس يكون الي يدخل الي بصير يعني خبير وكب في الي ملح ونفخ الي يكون الملح ناعم وكثر الملح يعنى مقدار بيالتين وبعد خمسة عشر يوم اعرضها على البعير وبمشية الله ان تبرك لة