هدارة الفحل وأرتباطها بالسن
 

السلام عليكم ورحمة الله وبركاتة

من خلال منتدى مزاين الشامخ تعودنا على الردود الوافية من الأخوان وجعلنا المنتدى بغنى عن الرجوع في اي استفسار عن الأبل الي اي شخص او مختص
‏
سوالي هل هدارة الفحل تظهر على القعود في اتمام سن جذع يعني الجذع الشتوي تظهر قبل الجذع الصيفي او قبل او بعد وهل ظهورها مختص بأن القعود يعشر ؟
وشكرا"

مرحبا يامبارك والجذع يلهي ويلقح .وانا اقصد الجذع اللي بعد اللقي لان فية مسميات خاصة في بعض المناطق اتمنى اني افدتك .

تسلم يابوعدة والجذع على كلامك

بس استفساري القعود مقترن القاحة للأبل بظهور هدارتة اولا

اللهة ليس لها علاقة باللقاح لن فيه لقيان القحت قد تستغرب بس هذا الكلام مؤكد اتمنى اني افدتك .

الجذع بالبدايه ما تطلع لهاته بشكل صحيح

اما اللقاح وان له شغل ..............هناك ثني ورباع ماله لهات ويلقح

والجذع اغلب الناس ما اتحرص على لقاحه لانه ماهو مضمون قد يلقح ناقه وقد لا يلقح وقد يلقح ذود كامل

وعليه شكوك وعذره معه

والبدو قالو الجذع لذع

والثني وني

والرباع يلقح مابين السما والقاع

مع ابن شريه

هذا الي ابية ومشكور يابن شرية ولا يهون المنصوري

مع أخوي بن شريه

كفيت ووفيت يابن شريه

طيب السؤال هل موسم الهياج يختلف من بعير لبعير

وهل يرتبط بالولاده بعض البعارين تاخر هياجها

وفيه ناس تقول ان البعير يهيج في نفس شهور ولادته

ودنا احد يوضح النقطه هذي
ودمتم بود

بندر

اغلب الناس تحسب للجذع ويقولون انه ما يلقح لين يكسر جذعانه


اما الهياج له وقت فهذا شي يرجع للفحل وعلى الأبل المجاسير الي معه


انا معي بعرين ما افدرن من العام ولا انقطع هديرها طول فترة القيض


وقبل شهر فكيت واحد يدوج مع الأبل وطرح كم ناقه بقيده

والأسبوع الي فات الفحل الثاني اضرب ..............وبلشنا ضراب عليه


وهناك فحول تفدر متأخر ولا تهيج الي متأخر او انه ماجاه ضراب واجد ....... فيهيج بسرعه ان كان في الأبل مجاسير

وفتره القيض الي حنا فيها افضل ضراب للحيل لانه ينزل رحمها وترتخي الناقه فيه والجسره تكثر بسبب الحمض

السلام عليكم ورحمة الله وبركاته
حصل قدامي موقف

قعود مادخل لقي يهادر والسالفة تو يوم الجمعة اللي فات يعني في عز القيض