|
استفسار عن الرحول السلام عليكم أنا نويت أشتري رحول للابل وكان ودي أستشير أهل الخبرة:كيف أعرف الرحول اللي معسوفه عسف طيب وأن طبوعهاهذي زينه ولا شينه لأهل الحلال أو أن الوضع عادي بس أنها تركب ولا تهم الطبوع . |
اقتباس:
عليك بالسن وبسالمة العذاريب اللي طبعها زين ومعسوفة عساف طيب ولاتأخذ العجله اللي طيروا عقلها السودانيين أهم شيء يكون ظهرها بارد وأشرط عليها أنها تظهر من اماتها ونصيحة خذ معك رجال فاهم بيغنيك من بعد الله عن كل شيء ومالك إلا ولد يقرأ |
اقتباس:
أهم شرطين في الرحول ... إنها تظهر من وسط البل ولا تجفل من البل والناس أو السيارات ... كل هذا علامات على زين طبعها وهداوتها وغير كذا ... اللون وأعتقد إنه معروف لدى الجميع ... لونها يفرق عن لون الذود لأسباب معرووووووفه عند هل البل بالتوفيق |
الأخ فهد الأحمد الأخ لافي الشمري جزاكم الله خير مثل ما قلتو السن+العافية+اللون المخالف+الظهر البارد (ما عني أول مره أعرف هالمعلومة)+وأنها ما تجفل لما تظهر من البل وغيره ++++خوة الخبير المتواضع علي آل مرعي إن شاء الله بعد العيد إذا سمح لنا |
ابشر بسعدك يافهد ومن ذلحين بطرح العين على الرحول المناسبه. |
كفو ابو عبدالله وما راح يقصر معك والله يوفقك بالمشترى الطيب |
اقتباس:
وخوة ابو عبدالله تكفي عن باقي الشروط والله يوفقك لما يحب ويرضى |
الأخ علي آل مرعي جعلك تبشر هذا من طيب ذاتك ياالذيب الأخ مسعود العماري الأخ فهد آل زبدان لا هنتو على المرور |
| الساعة الآن 41 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |