|
ياهل الفحوووول السلام عليكم ورحمه الله وبركاته صباح الخير للجميع وانشاء الله يومكم بخير عندي بس استفسار عن شغله بسيطه وحبيت اخذ رايكم ياهل الوجيه الطيبه طبعا الموضوع حصل بعد نقاش طويل بيني وبين راعي القعود وهو الصرآحه غالي علي وحبيت انزل الموضوع وابي رايكم القعود أذا كان عمره لقي البل يدخلونها عليه ؟؟ انا الصراحه قلت لراعيه ليه تفك البل عند القعود بيكسرهن ويلعب فيهن ويوصخهن بس الرجال قالي انا ابيه يتعلم على الركووب ويعرف يشمل بنفسه وانا حسب معرفتي ان القعود ما يفك وبعدين هو اصلا فطره من نفسه يعرف كيف يسنع عمره وقت الظارب لا كبر مدري يالربع وش رايكم انتم يا أهل الفحول القعود اذا كان عمره لقى يفك للبل على شان يتعود على الضراب ويعرف يشمل نفسه هل الكلام هذا صحيح؟؟ |
انا قعودي السنه اللي راحت سويت نفس طريقته بس ماطولت بالهداد اضرب ثلاث او أربع وكلام الرجال صحيح وكلن يسوي اللي يراه صحيح |
حياك الله يايوسف وانت وجهة نظرك صحيحه من ناحيه عدم فك القعود على طول مع البل لانه بيلعب في البل وخطر عليه وعلى البل اما يخنق ناقه اويكسرها اما من ناحية انه مايحتاج تعليم اختلف معك لان القعود لازم يعلم الضراب وكيف ينسل على الناقه. |
اقتباس:
|
اقتباس:
كلام سليم بارك اللة فيكم |
بالنسبه للتعليم يكفي للقعود مره او مرتين يضرب ويشمل وبعدها يعرف من نفسه ولا يستدعي الموضوع سنين لكي يتعلم والبدو من اول ما يضربونه الي ثني يخافون القعود ينقمع من الضراب ويخافون ان يفسق لانه توه صغير ولا يعرف الهياج ويبي يضرب صيف وشتا ويضرب لقحا وحايل ويبي يلعب الأبل وقد يطرد بعضها ويكسرها ولا يبرك على ارقبتها ولا يدري الأستعجال ماهوو من صالح البعير ولا صالح راعيه يصبر عليه لين يجي جذع ويعقل له من الأبل ويضربه مثل ماهو يبي ويتعلم |
اقتباس:
|
الاخ العزيز مازيد على الاخوان لاكن لقعود يحتاج تعليم خاصه الانسلال عشان مايثر على ظهور البل ويعلمونه الظراب عشان اذا جا وقت هداده مايتاج نعليم والرجال يجيب له ثلاث ولا ثنتين مياسير ويعلمه عليها ولا يفكه وفي البل كلها عشان مايعبث |
يعطيكم الف عافيه وماقصرتوو كلكم وفيتو وكفيتوو لاهنتو يالربع على الردود والكلام المفيد |
| الساعة الآن 34 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |