|
## شـوفـولـي حـل مـع نـاقـتـي .. أذت الأرض ## السلام عليكم ورحمة الله وبركاته مساكم / صبحكم الله بالعلم الزين ياأخوااااااان عندي مشكلة وأبغى منكم الشور ... عندي ناقة حايل لعبت في النياق ولعبت في الحيران ولعبت في الشبوك وفضحتني في جيراني . كسرت حيرانهم وكسرت شبوكهم ولعبت في الأرض .. جبتلها بعير من أحد جيراني وأضربها مرة ومرتين ولا عشرت علاه ... مع الرغم انها مجسر .. وأخاف أنها تفيخ بالبل المعاشير .. والناقة ماشاء الله عليها فسقانه بالحيل .. حتى البعير اذا جاء مراحي والله ما تخلي من النياق اللي تقربه ، تدافع عنه تقول ولدهااا واليا فقدتها ورحت أدورها لقيتها عند البعير عند جاري .. ولهيب صاحية .. فما أدري وشهو السبب اللي جعلها ما تعشر ...؟ هل هو صيد هل هو أبو غطيه وما قالوله .. وانا والله ما أعرف أشكال وعلامات هالاوجاع شوفوا لي حل بارك الله بكم ... مأجورين غير مأزورين بأذن الله |
قيد الناقه قيد مايقطع يديها واذا تعلمت على القيد وماهدت حط لها خيه مثل خية البعير ولا ضوت اربطها في الخيه وخفف عليها العلف. ولا جا وقت الهداد لكل حادث حديث. |
ماقصر اخوي علي عطاك العلم اللي في خطرنا بس اربها زينه على ذي الفضايح . |
على كلام اخوي مرعي لا جاء وقت الضراب جب لك دكتور ينظف رحمها يمكن انك مضربها واجد وهذا يأثر عليها وعلى عشارها |
اقتباس:
|
اقتباس:
هذا الكلام المضبوط أتفق مع أخوي علي |
اقتباس:
أضحك الله سنك يا بوعدوة بإذن الله إنها زينه ولا ما صبر عليها أخونا طلال كل ذا الصبر |
اقتباس:
|
اقتباس:
|
اعطها ابرة مضاد حيوي terramycin عشرون ملي باللحم مع ماذكروا الاخوان واتركها لحين وقت الهداد |
مثل ماقال الاخ ابن مرعي مالها الا الخيه والقيد وخفف عنها العلف حتى تخف قبل وقت الهداد ان كانت سمين سوال للاخ عيد الابره هذي من شان تهدى الناقه والا من اجل اللقاح لاهنت |
ههههههههههههههه والله قاعد اقراء وانا اضحك احسك ودك تدعسها بالسياره من كلامك هلا بك اخوي والاخوان ماقصرووو عطوووك الي كنت بقوووله لاكن بضيف كلام على كلام اخواني تعرف تقص عن الصيد اذا تعرف قص عنها واذا ماتعرف افتح سقف الناقه وتتشووف فووق لحم زايد بارز كبر حبة الجح فوق انتبه لاتجي الشعاري الي تحت لو قصيت الي تحت معاد لقحت فقطع الي فوووق بموس حق الحلاقه وانشالله تلقح واضف ملح وقيد الناقه عن جيرانك هذي الجسره لاعبتن فيها لعب ههههه ولكم خالص ودي |
الناقه فيها ابو غطيه دورلك واحد يدخل عليها |
مع الاخوان |
هذي مواري الهدور اللي طواها الحيال نصيحه نظف مالد الناقه ولاتمس الصيد إلا عقب ما تضرب الناقه اول ما يعدل البعير من فوقها وخر الصيد و وحطلها فصين ملح والا ثلاثه تهديها شووووووي |
| الساعة الآن 47 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |