|
متى افضل وقت لوسم البكار السلام عليكم ورحمة الله وبركاته يالربع انا ابي انشدكم عندي بكار اعمارها من مفروده وفوق المعروف انه ماتوسم وهي صغار لكن هل المفروده مايضرها الوسم وأيهم أفضل الوسم في الصيف او الشتاء ومشكورين مقدما |
الله يبارك لك فيها اوسمها في الصيف حتى يبرى الجرح بسرعه واذا كانت حقه تتحمل الكي |
ناوي اوسمها في سهيل وناوي اوسم المفاريد بعد بيض الله وجهك يبو عبدالله وكثر الله من امثالك |
السلام عليكم ورحمة اللة اخوي عبداللة في الصيف ازين من الشتاء بكثير اللة يباركلك فيها |
السلام عليكم ورحمة الله وبركاته نفس ماذكرو الاخوان هالوقت الحالي زين وتقبل حياتي |
ارررررررررحب والوقت الحالي افضل وقت ولا يضر المفااااريد اذا وسمتها الحين حنا من الله خلقنا وحنا نوسم الحيران اللي بتفرد والمفااااريد ولا رها شي ولله الحمد تحياتي لك اخوك |
بيض الله وجيهكم جميع والله يكثر من امثالكم |
طيب واللي عنده لقحات متى يوسمها ؟؟ انا سمعت ان توسيم اللقحات يضرها في لقاحها ؟ |
سالم اللقح لا تستعجل على وسمها خلها للين تلد بخير ان شالله |
اخوي عبدالله السهلي انا انصحك اذا وسمت المفاريد حاول انك تصغر الوسم لان البكره كل ماكبرت يكبر الوسم معها وبالنسبه للوقت كلن وله وجهت نظر انا وجهت نظري مع سهيل وبالنسبه للبرد مايلحقها الا بعد شهر ونص من دخول سهل زالله يبارك لك في حلالك وحلال المسلمين.... تقبل مروري.. |
سالم بندر محمد بيض الله وجيهكم وانا سمعت مثل كلامك يا محمد ان البكار كل ماكبرت كبر الوسم معها |
في الصيف ازين من الشتاء بكثير |
الاشياء اللي تاثر على الحوار في الوسم البرد القوي والحر القوي ووقت الذبابيات وقت تكاثر الذباب وغيره من الاوقات لاباس اما اللي يقول الوسم يضر اللقحه القصد مهو باللقاح نفسه القصد ان اللقحه تكون ثقيله ويضرها السدح والتربيط اما الوسم مايضر. |
الوسم مع طلوع اسهيل افضل والوسم لللمفاريد والحقايق .. ولا عليها |
| الساعة الآن 03 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |