ياسريع النت وصّل للصديق رسالة=الصديق اللي علومه كلبوها ذربه
ذاك خالد طيّب الله طول عمره فاله= كل ريع ٍ فيه طيب ٍ ينهجه ويذبّه
جعل أبو من لامني به في الجحيم وصاله=من يلوم القلب في رجل الوفا لاحبّه
الشحم والطيب يدهن شاربه وسباله=في الصباح وفي المسا قدر ٍ لها تدهن به
الوفا له وارثه من صوب بوه وخاله=ناشي ٍ به فطرة ٍ له حي ذيك الشبـّه
لادرا بحروة صديقه ماقفل جوّاله=يفرح بشوف إتصاله لابدا رحبّه
من شجاع الأكلبي هذا الوفا وحباله=الوفاحبله متين ٍ وقاضبه ماجبّه
الوفي بافي معه وأكرمه بوصاله=والردي لابان لي منه الجفا باكبّه
كل منّا له طريق ورايح ٍ في حاله=وأذكر الوافي بطيبه والردي ماسبّه
العزا في الطيب خالد صاحبي وأمثاله=مرتعه في الطيب دايم والردا ماربّه