بسم اللذي ينشي مزونٍ تزبر = وبمره يساق الغيث وبله شخاتير
ويحيي هميداً بالي عقب مدهر = عقب المحل بدل خضاره نواوير
ابدى بذكره واطلبه واتغفر = واطلبه ستره من عذاب الزمهرير
ومن عقب ذكره للمثل باتبصر = وانقى معانيها على كل تبصير
فيها السلام اعداد مروى وصدر = ورداً حداه القيض وروى من البير
والذ واحلا من الشهد يوم قطر = وانوج من العنبر ليا فاح تعطير
للي على العليا تحزم وشمر = خطل اليمين ولا يحسب المخاسير
وعز الرفيق اللي به الحيل قصر = حمله ثقيل واحتدته المقادير
ولضيف بالترحيب يصدع ويجهر = ويكمل قراها بالشحم والمباهير
ولين الجناب ومجلس ما يسكر = تلقى به علوم الوجيه المسافير
هذاك اهو محمد كما الجم الاغزر = ابن ربيع مغزر الطيب تغزير
واخوانه اللي للعلا دوم تشهر = ندر حرار من حرار مشاهير
عاداتهم للطيب منبع ومصدر = بقول على فعلً يشوق النواظير
نصيتهم والذود خلفي تحدر = وقالو مراحب ما لتوو بالمعاذير
ولا منهم اللي قدم وجهي تذمر = وقالو تخير وامتنح في ايت بعير
اعد انا ما صار والطيب يذكر = واللي يغطه ينهبي يا مناعير
وارجو السموحه واقبلو من تعذر = عن الزلل والنقص في كل تعبير
وختامها بعداد ما هل وامطر = صلو على اللي نور الحق تنوير

إخواني ابومحمد وابوعدوه ونواف الرافد وحسين الوايلي وابو مطر وفيصل العنزي وخالد الشيباني وحمد الغواص
بيض الله وجيهكم ولا هنتو على المرور
وآل مخيزيم يستاهلون اكثر والله يجملني على رد العلم الطيبِِ

لاهنت ياغانم مجمل وتشكر = ويستاهلون المدح ربع مناعير
الطيب بالطيب يربى ويكبر = وعند الردي ما يعتبر شي وصغير