|
من يشتري قلبٍ دبل كبد راعيه ... ابشتري قلبٍ من الهم خالي من يشتري قلبٍ دبل كبد راعيه ... ابشتري قلبٍ من الهم خالي قلبٍ ذبحني بالهواجيس ما بـيـه ... والله لابيعه لو بربع الريالي ون كان ماحدٍ سايمه قلت اباهديه ... اهديه وادفع كل ما حشت غالي والا بعد نرميه ما نيب باغيــه ... مليت من قلب به الهم كــالى قصرت اعذل القلب وقول ياهيه ... أرفق وراعيني برا الهم حالي واضن قلبي ضاع مانيب لاقيه ... يبيني اقضي العمر فردٍ لحالي لاقلت هذا صاحبٍ تو لاقيه ... ما خلق مثله بالوفا والكمالي ما يكمل الشهرين والعيب باديه ... الطيب اللي بالخوي ما يبالي كلاً يرى عقله هو اللي ايقديه ... لو كان عقله غارقٍ بالهبالي قلبي عيوف والمعزه تباريه ... يهوى الشهامه والكرم والمعالي ويحب شوف البر ويحب طاريه ... ويحب فيّ مشمرخات الجبالي ويحب ركب الجيب والشوق حاديه ... لفروع وديانٍ بها المزن سالي تلقى الحباري والقطا شارعٍ فيه ... وغزلان جوه كن فيها هبالي تلعب تراقص والملازيم تزيه ... ولا ترتع الا في بعيد المفالي ويحب شوف الخرب والحر يتليه ... ولامن تعلى الحر والخرب تالي ويحب شوف الحر مزع ثناديه ... متبجحٍ بالنصر عقب النزالي ويحب صيدٍ قرم الاولاد يشويه ... في صالي اللي تلتهب باشتعالي وفي جالها اللى يقعد الراس مركيه ... فنجال بنٍ في حسين الدلالي ومن فوقها قدرٍ به الصيد طاهيه ... في ظل سرحه تحتها الفي مالي وحب فنجالٍ مع الفجر اسويه ... واقدمه لمفوهين الفعالي وحب شوف السحب والريح تزجيه ... والجو رايع صافي ٍ باعتدالي وقلبي يحب الروض والسحب تسقيه ... ويحب عشب النفد وسط السهالي ويحب خدٍ مزهراتٍ روابيه ... ما داسه الدواج هو والحلالي ويحب شوف الذود لاصاح راعيه ... للي لبنها في فم الضيف حالي لاجت تقافى والمصاغير تتليه ... ما حلا ترزمها وراها العيالي وحب انا القمرا بليلٍ سمر فيه ... ربعٍ نشاما تحت نور الهلالي ارداهم الي للملمات ناقيه ... يفدى خويه في حلالٍ ومالي وحب بنت اللي اكبار هقاويه ... بيته دوام مدهل للرجالي المهره الى وسط بيته مربيه ... يا غير اهلها ما تخطت لوالي جمالها سبحان ربٍ مسويه ... مثل القمر في مضلمات الليلي واحب طفلٍ بالهناديب اناغيه ... وامه اقبالي كامله بالجمالي من يوم تسمعني تبادر بلبيه ... امر تدلل يا بعد كل غالي واحب بيت البدو واللي سكن فيه ... واحب اشورف من على راس عالي واحب رجلٍ كاملات معانيه ... مامرة قد قال ذالك وذالي يذبح لك القارح خروفٍ مربيه ... ولا تدري بفعل اليمين الشمالي واحب شوف الجار واجيب داعيه ... واغض طرفي عن حسين الدلالي ولا شفت ضيفي قمت ارحب واحييه ... ماكنه الا من عمام وخوالي واحب زين الشعر شعرٍ اغنيه ... لاجا لزين الشعر وقت ومجالي يا بو محمد خافي السد ابابديه ... ما شوف غيرك يا كريم السبالي من ربعه لا خيم الهم تجليه ... يشهد له التاريخ باول وتالي ابو محمد فزعة اللي فزع فيه ... انا السعيد إن شفت زوله اقبالي اخوك يابن العم همه امقزيه ... ما ذاق فيما فات ميّ ازلالي ودي اباقي العمر ياخوي امضيه ... مرتاح بالي من هموم اثقالي ارجي لعل الحل بيديك تهديه ... انت الكريم لمن لجالك ظلالي الشاعر/ عبدالله عبدالعزيز البهلال |
اقتباس:
سلام عليك عز الله ان القصيده وافيه من وجه وافي |
لاهنت اخوي على مرورك |
مشكور والله يعطيك العافيه |
اقتباس:
تسلم يا عبدالله على المرور |
اقتباس:
|
اقتباس:
|
من يشتري قلبٍ دبل كبد راعيه *** استخدم كلمة مشتري وهذا يدل على انه مازال مستمك بهذا القلب ولو قال من ((ياخذ )) افضل واقوى واشد دلاله على انه مرخصه ولا عاد له فيه حاجه هذي مجرد وجهة نظر والله يبيض وجهك يا صنهات على القصيدة |
اقتباس:
والشاعر يحرج على قلبه يدور فيه المقسوم والا هو مرخصه بايع بايع النفس سامحه منه وتشكر على المرور والتعليق يا بعدي |
يعطيك العافية |
اقتباس:
وتسلم على المرور |
الله يبيض وجهك على القصيدة وجزاك الله خير |
اقتباس:
وتسلم على المرور |
| الساعة الآن 03 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |