|
وسم القلاده منهوله السلام عليكم ورحمة الله وبركاته ايه الاخوه الاعزا اسعد الله اوقاتكم اخواني فيه وسم القلاده ومطرق ورقمه بين الاذن والعين من يسار الي يعرف منهوله يخبرنا وله جزيل الشكر |
الاخ العزيز صالح ممكن توضح لون الناقه اللي عليها الوسم لان اللي ياسمووون القلاده واجد |
على مااظن انها وسم العجمان |
القلاده للغيثات من الدواسر المطرق والرقمه للسبعان |
اخوي حمد اسعد الله اوقاتك الوسم موجود على بكره صفرى سبق وان نبهة عنها منذو عدة اشهر في قسم الذهيب |
للغيثات من قبيلة الدواسر |
تستاهل الجايزه والمدح والطوله وضحن عليها القلايد للغييثاتي هذا البيت مطلع الشيله اللي قالها حسين الكوري في منقية عميق بن فهد الغييثي ويوضح الوسم فالبيت وكما قال اكثر الاخوان ان القلاده للغييثات من الدواسر واللي عندهم كل الوان الابل وانا قد شريت منهم قعود اصفر إذا بغيت التفاصيل راسلني على الخاص والله يوفقنا وياك للعمل الطيب والعلم الغانم ولاهنت |
فخذ الهتلان من العجمان ياسمون الحلوطه وهي عباره عن قلاده متصله في مطرق من يسار وبالسبه للشواهد كثيره |
اللي ياسمون القلاده واجد ولكن إن كان على الخد من اليسار فالوسم على حد علمي أنه الحراجين من الدواسر. |
السهول برضو ياسمون القلاده ولاكن تختلف عن الغييثات لانهم قلاده السهول اكبر وتمدتد على الرقبه من اليمين واليسار |
العازب والكحله من المره ياسمون القلاده. |
| الساعة الآن 26 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |