منتـديـات مــزايـن - افيدوني جزاكم الله خير

ألاخ خالد

نسال الله أن يبارك لنا ولك

أول شي يا أبو منصور الناقه مع أول ولادتها يعني أنك تدربها من حين تالد
والناقه اللي تو والده تكون ما هي يمك تعبانه لذلك يسهل عليك ترويضها على ما قلت

أما اذا أبطت الناقه واخذت ايام فيه عدة طرق

ولعلمك ان الابل نوعين لا ثالث لها
أما تجي بالهداوه أقصد أنك تقرد لها وتمسح علاها وتعطيها خبز وأذا جيت تحلبها
أحلبها شي بسيط وبكره أكثر واللي بعده أكثر لين تهدا وفيه أمر مهم
أن الناقه لاجيت تحلبها خلك ألحالك ولا معك واحد فقط ما هوب يتجمعون 3 ولا 4
وسيولفون ويتضاحكون يبون الناقه تهدا ويكون اللي يحلب واحد ماهو كل يوم والناقه
لها حلاب
وأكثر الابل من هذا النوع

النوع الثاني اللي ما تجي الا بالقوه
وفيه طرق كثيره
أولها الحجاز

حبل تربط به رجلين الناقه من فوق الثفنه واحلب الناقه على كيفك

وتحياتي
عبدالله بن المزحمي