في يومين ماتت الخلفه
 

الإخوه الأعزاء السلام عليكم ورحمة الله وبركاته

عندي خلفه بعد ماولدت بخمس أيام جاها ورم في ديدها ولاتقدر بكرتها على رضعها شافها البيطري وقال هذي فيها هيام وطقها الإبره الهنديه حقت الهيام وتعافت الخلفه إلا إن حليبها قليل جدا جدا ولاهو مثل ماخبرتها
المهم بعد شهرين إتصل بي الراعي وقال ألحق وجيت لقيت الناقه توقع على البل ولاهي قادره تسيطر على حركتها عقلناها وصبيت في حلقها مقدار لترين ماء مخلوط فيه تمر بعدها أرتخت الناقه لكنها صارت تدور وراسها مطمنته وسعابيلها تسيل قال لي البيطري هذا طير وطقيناها ابرتين واستمرت تدور
ثاني يوم بركت الناقه ولاعادت تقوى تقوم مع تشنج في يدها بعدها كويتها كوي الطير وبعد حوالي عشر ساعات ماتت الخلفه

السؤال هل مرت هذه الحاله وماهو التشخيص السليم لهذه الحاله لاهنتوا

الظاهر ان هذا طير

والله يخلف عليك ويعوض النقص بالبركة

اتوقع انه طير والله اعلم

السلام عليكم ورحمة الله وبركاته
أخوي سلطان ناقتك معها طير الله يخلف عليك
وانت تبغي السبب الحين
والسبب طال عمرك انك ماأنضجت كوي الطير يعني ماأحتمت كويتك ولا الي كواها لم ينضج الكوي

تاكد من تكون الناقه تعرضت للدغة عقرب او افعي لاسمح الله

الله يخلف عليك بخير
واتوقع كلام اخي فهد البلوي والله اعلم

الإخوه الأفاضل شاكر مروركم وما قصرتوا

وعسى الله يعوضنا وإياكم ويبارك لنا ولكم في المال والعيال والحلال

وتقبلوا تحياتي

الله يخلف عليك بخير

الله يعوضك خيرا

الله يعوضك بخير

الله يعوضك بخير


بالنسبة لناقتك كان معها طير ولا أكتشفتوا الحالة من بدري
والحمد لله على كل حال