|
وجّهت من ضيقة ٍ بالصدر عصريّة رجعت لكم بهذه القصيدة بعد غياب طويل علّها تشفع لي لديكم وجّهت من ضيقة ٍ بالصدر عصريّة=أدور علاجها في صحصح ٍ خالي من فوق شاص ٍ من خيار البريميّة=شاريه من حُر مالي نقد بريالي ماجا عطيّة ولا من الغير عاريّة=ومن الشحاذة وأهلها تكرم سبالي وجهتبه والتوانك فل ممليّة=ومكمل ٍ عزبتي بالمر والحالي وعن البشر رحت في دار ٍ خلاويّة=وأبعدت عن ذبذبة الإرسال جوّالي أبعد عن أهل النمايم والنقيليّة=ضعوف الأنفس وراع القيل والقالي ووقفت في ديرة ٍ بالوبل مسقيّة=على يميني الضنط والباطن شمالي وشبيت ضوّي لكيف الرأس بريّة=ضو ٍ حطبها حطبته جزل وجلالي ونزّلت لي من خيار الفرش زوليّة=وفرشتها عكس صفق الساعر الصالي والشنطة اللي لحفظ أشيـاي مشرية =ا لكيف فيها وفيها كل معمالي وقننت ماء دلتي في وسط خمريّة=من صنع بغداد جت مع من جلبهالي وجذبت جمر ٍ من أسفل ناري الحيّة=وفرشته لدلتي تقطع بالإمهالي وقربت نجر ٍ قديم ٍ صنع سوريّة=لاسمعه اللي حزين يون ويلالي ودقيت به قفرة الكيف الخليطيّة=مابين هيل ٍ وعود وقرف سنغالي وقربت من تمر بيشة نوع صفريّة=وقدعت سبع وعددها وتر فنجالي وبعد العشا طاب لي لعب الهجينيّة=ألاعب القاف من جزلات الأمثالي ذي ونستي لاحصل بالصدر تكيّة=أروح في صحصح ٍ ماغير أنا لحالي تحتدني للخلا نفسي الشقاويّة=واللي بينقد عليّه ماله ومالي الضنط المذكور بالقصيدة جبل علم يقع في المهمل بين بيشة ووادي الدواسر |
ماجا عطيّة ولا من الغيـر عاريّـة ومن الشحاذة وأهلها تكـرم سبالـي اي والله كفو وعن البشر رحت في دار ٍ خلاويّـة وأبعدت عن ذبذبة الإرسال جوّالـي أبعد عـن أهـل النمايـم والنقيليّـة ضعوف الأنفس وراع القيل والقالـي ياسلام وصح لسانك وعزالله انك اطربتنا بها الجزله |
مرحبا يا بوعمر من طول الغيبات جاب الجزايل " الغنايم " .. صح لسانك وبيض الله وجهك على القصيدة الجزلة وعز الله أني وأنا أقرأها كأني أنا اللي عايشها ، تصوير وإبداع تشكر عليه . ولكم تقديري .. أبوعبدالرحمن |
صح لسانك يابو عمر وبيض اللى وجهك على القصيدة الجزلة |
مرحبا ومسهلا جزل ولا تجيب الا الجزل صح لسانك |
صح لسانك وبيض الله وجهك على القصيدة الجزلة تصوير وإبداع تشكر عليه . ولك تقديري |
صح لسانك قصيدة جزله ومعبره |
صح لسانك يابو عمر وبيض اللى وجهك على القصيدة الجزلة وانت رجال جزل ما يجي منك الي كل علم غانم لاهنت يالقرم |
صح لسانك يابو عمر وبيض اللى وجهك على القصيدة الجزلة والجزل ما يجيب الا الجزل |
مرحبا يابوعمر , شاعر جزل ولاتجيب الا الجزل , صح الله لسانك , |
صح لسانك يابو عمر وبيض الله وجهك على القصيدة الجزلة |
صح لسانك وبيض الله وجهك على القصيده |
مرحبا يا بوعمر ومن طول الغيبات جاب الغنايم وصح الله لسانك وبيض الله وجهك على القصيدة الجزلة من شاعر ن جزل والله يحييك والمحل محلك غبت واجد والا شوي |
اقتباس:
ماعليك زود يانادر وصح الله بدنك ولا هنت على كريم مرورك تقديري لكـ |
صح السانك وبيض الله وجهك |
| الساعة الآن 46 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |