|
@@سرا نكعه 200905.28-@@ السلام عليكم ورحمة الله وبركاته سرا نكعه في الربع الخالي بتاريخ 200905.28 هذا المقطع من تصوير الزميل فهد بن صلبوخ مادري ويش وداه اهناك http://www.mzayan.com/vb/images/uplo...c264b90d3b.jpg http://www.alhadafa.com/uploadedfiles/vedios/453.mp4 |
لا هنت يابن هدفه وهذي الساعه المباركه الي انشوف فيها بن صلبوخ نمسيك انت وياه بالخير |
وعليكم السلام ورحمة الله وبركاته ابو علي هلا ومرحبا ارحب ارحب يعطيك العافيه والله يحيي ابن صلبوخ ومقاطعه له وحشه عسا مهوب في الربع الخالي بها الحر؟؟ بصراحه سرا عجيب على المارد ماقد شفت مثله ومن جد تعب الله يعيين اهل هاك المناطق |
لا هنت يابن هدفه والله يعيين اهل الربع الخالي |
لاهنت ابو علي واسعدتنا شوفة ابو حمد |
ارحب يابو علي والله إنا فاقدين ابو حمد عسى المناع خير ولو اني اعرف السر بس ماني بمعلم |
ارررررحبو كلكم وفهد لاغاب من المنتدى ماغبتو من قلبه انتو نشااما ومعرفتكم مكسب والله اني صادق وانا انشغلت مع الابل من صوب المرابيع والحمدلله ثبتنا ورجعنا لكم وثقو تماماً انه ما راح يغيرني عنكم البعد ولا ينسيني اياكم وانت يافهيد خل السرفي بير :) اخوكم ومحبكم |
لاهنت يابوعلي ونور الشاشه ابوحمد |
لا هنت يابن هدفه وابوحمد عادتآ له قطع الفيافي |
لا هنت يابن هدفه والله يعيين اهل الربع الخالي |
ارحبوووووو والله يحييكم كلكم والنور بوجودك يابومحمد وماعليك زود ياعايد ولاهنتو على المرور وهذا يزيدني شرف اخوكم |
حياك الله يابوعلي ولايهون ابو حمد على المقطع وانا قلت لي ابيات عن نكعه وديرتها لانه صار مجال الايام اللي زلت في موضوع من بيشد للرمله وكان فيه ناس متحمسين للشديد وانا عارف انهم ماهم بقادرين وهم كانو قسمين القسم الاول حنا ياهل الدوامات وحنا يصعب علينا الشديد بحكم ربطة العمل والقسم الثاني اهل الهجر يشدون من تالي الربيع علشان يقيضون في هجرهم ومزارعهم.والعذر والسموحه ان حصل زلل يهل الدوامات لاتطرون الاجناب = انتم ودمن الغنم كف(ن) بلفّي واهل المزارع تراهم معكم اصحاب =ياسرع مايربض الضبي المقفّي نكعه لهلها وياعزّي للاغراب = من جا مطفّي يبا ينكع مطفّي ذي ديرتن من نواها يحسب حساب =وحاذور من موترن لصبح يدفّي والوايت اللي سنينه عارضه شاب = خطوات صدره على الدرب امتوفّي واللي ليا زفّها عود للاحباب = ويقول قلبي على خلّي يرفّي لايامن البل من الهلكة ليا غاب =ومقيط لحقه رشاه ومعه هفّي اما الرعي فشهدن الرعي جذّاب = نيه ولاغيرها اللا مثل كفّي وسلامة الجميع |
اما الرعي فشهدن الرعي جـذّاب 00 نيه ولاغيرهـا الـلا مثـل كفّـي اشهد انك صدقت صح الله لساااانك |
صح لسانك يا علي وبيض الله وجه كاتب الموضوع والله صوره واهل السرا لهم بياض الوجه والله يعينهم 65 وايت؟!!!!!!!!!!!!!!!!!!!!!!!!!!!!!!!!!!!!!!!!!!!!! !!! يا وسع صدور الرياجيل وياقو عزمهم والله يقويهم ازود |
محمد لاهنت وبيض الله وجهك على هذاا الطرح المميز واقول لــ علي لاتردك وريقه قطهاا على مكتب المدير واضرب الباب واقول لبن صلبووخ عسااااك من روااااد الربع الخالي والمرابيع سنين طوال والله لايهينكم |
| الساعة الآن 03 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |