|
الهجن بين الامس واليوم في الوقت القليل الماضي كان اهتمام اهل الجزيره في كافه دول مجلس التعاون بالهجن اكثر من اهتمامهم باي نوع من انواع الابل الاخرى مما جعل سعر الهجن (الذلول) يفوق سواها من انواع الابل الاخرى وادى هذا الى الاهتمام بميادين السباق وسن القوانين الخاصه بالسباقات واستحداث المضاميرالخاصه بالهجن حيث يجري عليها السباق وهي مجهزه بكل مايحتاجه اصحاب الهجن اثنا التضمير والسباقات ومن اهم مضاميرالسباق. الجنادريه وهي تقع شمال مدينه الرياض حوالي20كم ويقام فيها سباق الهجن السنوي لك الاعمار ويشارك فيه كافه ابناء الخليج العربي ايضافه الى شوط سباق للهجن السودانيه.. ويوجد ايضاء مضمار الحويه بمدينه الطايف ويقام عليه السباق السنوي الصيفي لكل ابناء الخليج وهناك اماكن لسباق كثيره بانحاء المملكه مثل ميدان السيح بالاحساء وميدان مدينه حايل وميدان مدينه تبوك والكثير من الميادين الاخرى ويتم في هذه الميادين تصفيه من ملاك الهجن للهجن الطيبه حتى ماياخذ معه للسباقات الرئيسيه الا الهجن السبق نظرا لكثره التكلفه في تدريب ونقل الهجن من مكان لاخر.. وهناك ميادين مشهوره على مستوى منطقه الخليج العربي.. كامضمار الوثبه بدبي ويقام به سباق سنوي لاهل الخليج ومضمار ندالشباء بابو ظبي ويقام به سباق سنوي ومضمار الشحانيه بدوله قطر ويقام به سباق سنوي لابناء الخليج العربي ومضمار الجهراء بدوله الكويت ويقام به سباق سنوي لابناء الخليج وقد بلقت اقيام الهجن السبق اقيام خياليه حيث ان الذلول السابق كانت قيمتها بالملايين لكن في الوقت الحالي تحولت البورصه للابل المجاهيم ابل المزاينات وانواع الابل الاخرى كالمغاتير وقل الطلب على هجن السباق فماندري بكره يمكن تتحول الانظارمره اخرى للهجن وتترك ابل المزاين لايلتفت لها احد كل شي ممكن...... تحياتي.. |
هلا بك والله الأخ الغالي زاهر مشكووور جدا جدا جدا على الافاده الرائعه واستمتعت بالقراءه وننتظر جديدك ومن الممكن الرجوع للهجن وان كان رجعوا للهجن نرجع معهم للموضه تحياتي |
ياهلا وغلا بك ياخ علي بن عبدالرحمن العتيبي ومثل ماقلت اكيد الناس مع اتجاه العامه فلوا تغير اتجاهم للهجن مثلآ راح تلاقي راع الموضه ورا العامه ويغير النوع اللي عنده على حسب رغبه الاخرين وليس على رغبته هو!! اشكر لك مرورك ولاهنت ياغالي.. |
لا اخوي انت مافهمت علي انا أغير على حسب الموضه؟؟ لأني اذا تركت البل ما عاد تنفع في السوق بالبيع والشراء لكن ابل ابوي طبعا موجوده باذن الله في محلها (((مغاتير))) مشكووور أخوي |
لاهنت يا زاهر والله يعطيك العافية على هذا التقديم والمقارنة من خلال لشرح وافي ومفيد بيض الله وجهك اخوك |
زاهر العرجاني لاهنت يالغالي على الموضوع الرايع والشرح المفيد كفيت وفيت والله يعطيك العافيه موفق |
الاخوان خالدالسبيعي وجاسم الجربوعي يامرحبا ترحيبه المطر شرفني مروركم وتعليقاتكم واطرئكم لاعدمتكم تحياتي ,, |
| الساعة الآن 57 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |