|
ليال المخاضير السلام عليكم ورحمة الله وبركاته وأعتذر للجميع عن طول الغياب وأتمنى أن تشفع لي هذه القصيدة غيابي قم يا فهد شغّل خوي المناعير=جيبٍ لذودك يا فهد مشترينه نبي نشوف الذود دق ومعاشير=شعلٍ يابوك ودربها مهتوينه اللي غلاها فاق كل التصاوير=كارٍ لنا فيما مضى حافظينه لو عادلوها بالذهب والدنانير=قلنا يسار يسار يا عاقلينه نتبع هواها بالرخا والمعاسير=والرزق عند الله وربّك معينه وإن قدّر الله .. جت ليال المخاضير=عشبٍ جديد وخالطه كل عينه فيه الشقارا والكحل والنواوير=والقحويان يفوح ريحه وزينه ساقوا عليه مدلهين الأباكير=كلٍ على الطولات يندا جبينه زان التحدي عقب فك المقاهير =واللي قعد ذوده يشوف الغبينه يوم اختلط فالجو عج ومعاصير=جاء للعشاير ندب يا سامعينه كلٍ بذل جهده ولاله معاذير=الفعل واضح والعرب شاهدينه اللي خذا النوماس شعلٍ مساطير=اللي فحلها قبلها محتسينه قادتهم الهدلا وخطو المعاشير=كنها تقول الدرب له قايدينه طبت فياض العشب قبل المظاهير=ترعى زماليقه بوقته وحينه والبيت شيّد للنشاما المسايير=في رأس مشرافٍ جذب ناظرينه ربعة شرف فيه الوجيه المسافير=أهل الوفا وأهل العقول الرزينه هذا عضيد وذاك زبن المخاسير=والكل منهم موقفه شايفينه من بينهم صفر الدلال المباهير=فنجال كيف ودارهم من يمينه ودارت سوالفهم بحلو التعابير=كلٍ يجيب النادره والثمينه سوالفٍ يطرب لها صغير وكبير =والعود الأزرق بينهم دايرينه من عقبها ساقوا حليب المصاغير=ولقط الزبيدي بالغظا مشتوينه وطليّهم يطّبخ بعد علّق عصير=سلمٍ لهم فالبر وألا المدينه ولا حان وقت الفرض ما فيه تأخير=طاعة ولي العرش رأس السمينه هاذي طراة الروح قبل المقادير=والعمر واحد ما تكرر سنينه وقم يا فهد شغّل خوي المناعير=إنص الجنوب ودربها عارفينه وسلامتكم جميع |
الله عليك يابو عبدالله... وصح الله السانك... ولاتحرمنا من جديدك |
مرحبا ومسهلا بالاستاذ الاديب الشاعرابوعبدالله جهودك وشخصك الكريم يشفع لغيابك وصح لسانك |
صح لساااااااااااانك يابو عبدالله قصيدة جزله من شاعر جزل ولاهي غريبة عليك الله لايهينك تقبل مروووري |
صح السانك مبدع يابوعبدالله........ |
صح لساااااااااااانك يابو عبدالله |
الله عليك يابو عبدالله... وصح الله السانك... والله يسلم الذوود واهلها |
ارررررحب يابو عبدالله وجعلها ما تبدل فيك يا القرم اصحيت كلك يا وافي |
صح لساااااااااااانك يابو عبدالله |
مرحبا يابوعبدالله , وصح الله لسانك على القصيده الرائعه , مبدع الله لايضرك , |
ارحب يابوعبدالله مرحبا ومسهلا وصح لسانك على القصيده الجزله ولا حان وقت الفرض ما فيه تأخير طاعة ولي العرش رأس السمينـه |
ارحب يابوعبدالله مرحبا ومسهلا وصح لسانك على القصيده الجزله |
اقتباس:
ابن عبيد الهاجري صح بدنك ولاهنت على كرم المرور أخوك |
| الساعة الآن 15 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |