يااخوان مساعده عاجله د عيد او غيره عند ي حوار يزرق
 

السلام عليكم ورحمة الله وبركاته

اخواني اعضاء منتديات مزاين من دكاتره او له خبره في هذا الشي بالذات

عندي حوار عندي زرق الله يكرمكم وتردى حاله وعطيته من السايل الي لونه برتقالي ولا فاد فيه وعطيته بودره ابو كيسه صغيره ولا فاد فيه والحوار ماعاد يرضع من امه وتعب حاله كثير والحوار صار جالس ماعاد يرفع جسمه وزراقه شين مره وش العلاج او الفيتامين المقويه وسريعه المفعول ارجو من الاخ عيد المنصوري او احد الاخوان المتواجدين وله خبره سابقه او تجربه سابقه في ذا الحاله يفيدنا بالعلاج او اسمه ..

اخوكم .............. عبدالله

مرحبا أخوي عبدالله .. عطى الحوار ماء بارد تراه زين للذراق .. وعطه من العصار 5 عصرات صباحاً ومساءاً . وأهم شيء قلل عنه الحليب .
والله لا يخسر عليك . وإن شاء الله الأخوان بيفيدونك أكثر .

ولكم تقديري .. أبوعبدالرحمن

اخ عبدالله هنا بعض اسماء ادوية الاسهال
عصار اوبخاخ spectam
عصار او بخاخcolexin
كبسوله super score
كبسولهchanacin polus
حاول الحصول على احدها مع اعطاء الحوار كميه قليله من الاملاح التعويضيه electrolyte

الاخوان ماقصروا

ولكن مثل ماتفضل ابو احمد باضيف اهمية اعطاء الحوار املاح تعويضية لان الاسهال يؤدي للجفاف والجفاف يقضي على الحوار

وفيه دواء جربته مع الحالات المستعصية من الاسهال وجاب نتيجة :

جرعة مناسبة من المضاد الحيوي جنتامايسين لمدة 5 ايام

جرعة مناسبة من بودرة الاسهال سلفامايسين

السلام عليكم ورحمه الله وبركاته

اخواني الف مشكور على الردود ورحمه الله والديكم وشيبانكم عن النار على الرد السريع لاكن الله يعوضني وكل مسلم باطيب منه .. والي مايكتبه الله عسر .. الحوار مات .

اخوكم عبدالله

أسأل الله عز وجل أن يعوضك بخير منه يا عبدالله

فادي راسك يا عبدالله والله يخلف عليك بخير منه .

ولكم تقديري .. أبوعبدالرحمن

السلام عليكم ورحمة الله وبركاته

اشكر الاخوان جميعا على المداخله والمشاركه والفزعه والله لايوريكم شي شين ويبارك لنا ولكم في حلالنا وحلالكم وكل مسلم ويكفينا وياكم شر المقاريد انشاء الله ..

اخوكم ..... عبدالله