|
ما هو الفحل اللي يرفع البل من وجهة نظرك ؟ هناك بعض الأمثال أو الكلام التي نسمعه كثيرا و بالتدقيق فيه نجد أنه قد يكون مصدر خلاف في وجهات النظر، فجميعنا يسمع في مجتمعات الإبل وأهلها كلمات لوصف الفحل ومنها : الفحل الطيب هو اللي يرفع الذود أو يرفع البل وبافتراض أن تقسيم البل من ناحية المواصفات الجمالية هي بالترتيب : ( تقسيم قد لا يكون واقعي وانما لتقريب الفكرة ) 1) عادية 2) طيبة 3) مزاين فلو سئلنا : هل باعتقادك إن البعير اللي يقولون عليه يرفع الذود أو يرفع البل هو: اللي ينتج من الناقة العادية ابل طيبة ؟ ام هو اللي ينتج من الناقة الطيبة ابل مزاين ؟ وتقبلوا تحياتي |
يامرحبا بالقلم الذهبي مليوون يامرحبا يابو عبدالعزيز البعير اللي يقولون عليه يرفع البل هو: المنتج 1)اللي ينتج من الناقة العادية ناقة مزاين 2)واللي ينتج من الناقة الطيبة ناقة مزاين 3)واللي ينتج من ناقة المزاين ناقة مزاين |
مرحبا يابو عبدالعزيز الفحل المنتج هواللي ينتج اخير من امها بكثير سوآ كانت ناقة عادية او طيبة او مزاين . |
موضوع للنقاش ممتاز اشكرك عليه انا لي وجهة نضر في هذا الموضوع بالبدايه حاب اوضح كم شغله جميع اهل الأبل يكون لديهم فحل منتج يرفع الذود ولاكن بنسبه بسيطه يجي معه في الجوله اربع خمس بكار (خصم ) والباقي من وسط الأبل او ارفع وهذي حقيقه حتي اشهر الفحول بالأنتاج ( مثل تمام ) في لقاء بالتلفزيون قال ( هيف القحطاني ) الأبل نتعب في تصفيتها ( فنحن نطلع بالسنه خمس او ست بكار للمزاين والباقي ....... وهناك فحول تنتج قعدان طيبه وخيار ولاكن نجي في البكار تلقاها عاديه . نرجع لصلب الموضوع الفحل المنتج اذا ماكنت الناقه اتخدمه ما ينتج شي ( بمعني انه ندور بالبدايه على المعمق الطيب + الشكل الوسط الي نقدر قيمته ) المعمق له دور اساسي في الأنتاج خاصه اذا كانت من ابل طيبه وساسها (طيب ) مزاين وشكلها عادي او ردي اغلب البدو وهذا راي اسمعه من كثير وليس عليه دراسه مأكده ان للناقه ( 40 بالميه من الآنتاج وللفحل 60 بالميه ) رايي انا ان بغيت اجمع ذود لنفسي ( اركز على الفحل قبل الأبل حتي لو كان بقيمه عاليه ) واشتري ابل من وسط ومقاني يكون معمقها طيب وشكلها مقبول حتي لو فاطر طيبه اشتري ومن بعد توفيق الله يجي دور الفحل برفع مستوي الأبل. |
مع ابو عدوه |
مع الاخ ابن شريه |
انا اضم صوتي لصوت ابو علي ولاهنتم |
اقتباس:
من وجهة نظري انه في كلا الحالاتين التي ذكرت يعتبر من الفحول اللي ترفع البل لانه انتاجه اطيب من اماتها وهذا تطور ورفع وتحسين للانتاج ودمتم بألف خير |
اشتقنا لمواضيعك يابو خالد وبالنسبة لرأيي فهو لايختلف عن رأي معظم الاخوان كثيراً ففي نظري ان الفحل الطيب هو اللي يجيب من البل العادية ابل طيبة اطيب من اماتها |
السلام عليكم ورحمه الله وبركاته بالنسبه لرآيي ان الفحل هو الي يجيب من الناقه اطيب منها سوى كانت عاديه او طيبه ومستوى الفحول مهوب واحد بعض الفحول من الناقه العاديه والطيبه يجيب ابل مزاين وشكرااااااااااااا |
الفحل اللى يرفع البل هو البعير اللي ينتج انتاج اطيب من امهاتة وهي عادي واذا توفر ناقة طيبة او مزاين فزين على زين |
الله يعطيكم العافيه ومشكورين لابداء الرئي والله يحيي كل باسمه الغاية من فتح الموضوع للحوار هو نقطتين : 1) الاستئناس بالرئي من الجميع والاستزادة من اهل الخبرة والعلم 2) تحديد مفهوم البعير اللي يرفع الذود ومواصفاته والذي يطلق عليه انه بعير منتج لانه وبكل صراحه اصبحنا نسمع كثير عن هذا المصطلح واصبح يتردد بين اهل الابل ولكن لا يوجد معايير واضحه او مقاييس لهذا الفحل اتمنى ان تكون وصلت الفكرة والمغزى من السؤال الاخ محمد الهدفه البعير اللي تقول عليه هذا هو ما نبحث عنه هنا بس وين نلقاه وماهي مواصفاته؟ :) فان رغبتوا ان نستمر بهذا الموضوع فيجب ان نتفق على المحاور الرئيسية لتحديد الفحل المنتج ولنبداء بالمعيار الاول المعيار الاول : هل نحن متفقين على ان الفحل اللي يرفع الذود هو ما ينتج على جميع فئات الابل ابل مزاين كما ذكرها الاخ محمد الهدفه ؟ وتقبلوا تحياتي ملحوظة هامه : الموضوع للنقاش وليس لتفضيل فحل على الاخر او تقييم حلال المسلمين فارجوا من جميع الاخوان مشكورين عدم التطرق لاسم اي فحل مهما كان الهدف منه او الاستشهاد به فا العمليه كلها توعويه وتبادل خبرات واراء وليس التقليل من امر اي فحل او مالكه |
اقتباس:
و تقدير النسبة المقبولة لانتاج الفحل مقارنة بالبل وبالمناسبة سبق وان طرحت موضوع على الرابط : http://www.mzayan.com/vb/showthread....C7%E1%C7%C8%E1 من له اهتمام يمكنه الاطلاع والنقاش وتقبلوا خالص شكري وتقديري |
بارك الله فيك ابو محمد فلنبداء بتحديد فئات النياق اولا ولنترك مصطلحات البيع والشراء ولنتجه لمصطلحات نتفق عليها تكون محددات الجمال قبل كل شيء واقترح التالي : 1) ناقة منيحه : نسبة الجمال تكون من 0 - 30% مقارنة بالوضع الامثل للناقة الجميله 2) ناقة انتاج : نسبة الجمال تكون 30 - 60 % مقارنة بالوضع الامثل للناقة الجميله 3) ناقة مزاين : نسبة الجمال تكون من 60 - 90% مقارنة بالوضع الامثل للناقة الجميلة 4) ناقة نادرة : نسبة الجمال تكون 90% فما فوق مقارنة بالوضع الامثل للناقة الجميلة فهل ترون ان المسميات وعددها مناسب ؟؟ وتقبلوا تحياتي |
مرحبا بك اخوي عبدالرحمن وبالنسبة لرأيي فهو لايختلف عن رأي معظم الاخوان كثيراً ففي نظري ان الفحل الطيب هو اللي يجيب من البل العادية ابل طيبة اطيب من اماتها |
| الساعة الآن 39 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |