|
الورم يا اخوان بارك الله فيكم عندي خلفة يجيها ورم وعطيها ابرة . بنسلين ومضاد حيوي ويروح وبعد اسبوع يرجع الورم مع العلم ان الناقة تسرح وموصي الراعي يرش ديدها صبح وعصر بالماي لكن الورم يتردد عليها .....وامس لاحظت الله يعزكم حياها ومدمنها مترهل وشبة مورم (متصفط علي بعض) الحل بارك الله فيكم |
اخوي الناقه يمكن انه تشرب ما واجد وهو من اللي يسبب الورم وثاني شي يمكن الناقه تاكل برسيم خظر وكثر عليه المشي بالمرعى تراه يخفف منه وعطه مرهم تلقاه عند البيطري ب 10 ريال غطاه احمر وعلبه صفرا |
عفواا العلبه بيضا |
في اعتقاد شخصي وليس طبي ان الناقة اللي يورم ديدها او يخبش عندها مشاكل في الدم فلاحظ الخلفة السليمة لو تشبك عليها شهر ما خبش ديدها والخلفة الي فيها هيام يخبش ديدها لو تشبكها يوم او حتى لو انها تسرح وبالنسبة لناقتك فالترهلات اللي حول حياها فطبيعية بسبب وريم الديد فخباش الديد هو الاساس والاعراض الباقية تابعة له واما علاجه فلقد قام الزميل فيصل بن مرخان مشكورا بتثبيث موضوع في عيادة مزاين البيطرية ووضع مكتبة بيطرية سهلت على الكثير عملية البحث عن اي حالة مرضية واليك الرابط: الخباش مكتبه العياده ...... الامراض .. الاصابات .. الولاده ..التغذيه وتقبل مروري |
أرحب يا محمد أقطع عنها البرسيم إن كانت تأكل برسيم لمدة أسبوع وأعطها أبرة (( كوليتترال)) لمدة اربع أيام كل يوم 20 م وبإذن الله ما عليها شر |
اخوي الناقه يمكن انه تشرب ما واجد وهو من اللي يسبب الورم ============================================== |
اشكر الاخوان جميع بدون ذكر اسماء وجزاكم الله خير وعساكم ع القوة |
السلام عليكم ورحمة الله وبركاته اخوي حلل ناقتك الدم كامل وتلقى فيها فطريات للدم او بكتيريا هي الي تخلي الناقه تورم كثير وكانها مخبش وتاخذ علاج للفطريات وباذن الله وحده بوحده عشان متجرب الف علاج وتمرض ناقتك حلل الناقه دم كامل واضمن لك وللناقه لان الناقه شبه مصابه ببكتيريا او فطريات بالدم ,, تحياتي اخوي لك اخوك ,,, عبدالله |
عطها ابرة هيام الفرنسيه ضروري |
إمنعها من حب الشعير وامنعها من البرسيم الخضر وعطها ذرة لين ما يتحسن ديسها وغب الما عنها وخذلك خرقة واغمسها في ماء بارد وامسح الوريم مع كل شروق شمس و كل مغرب وعليك تطلق اعصابها وان زرفلتها يكون احسن وان خليت المعلف برا الشبك بحيث تمسي برا يكون ابرك وابرك هذا ان كان بالشبك غيرها وماراح تعزب عن اماتها أخيرا يمدحون عصير السمسم ودهن الغنم وادهن به الوريم وان شا الله تكون بخير و الله يبارك لك فيها والاخوان ماقصروا بيض الله وجيهم |
| الساعة الآن 38 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |