فرعاًسنادٍمن الذرعان منزاحه
 

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
العين متعة نظر والقلب مفتاحه=أدنات ما حرك الأشواق وأحياها

لاشفت لى من خيار الذودطفاحه=ملحاً طفوح تموح الأرض بخطاها

من طيب ابوها رقاق الزين تجتاحه=تشعف هل الصنف والهقوه تعداها

عسماء الأيادى لجرد البيد مياحه=وطفا تدك الوطا من كبر ماطاها

فرعاً سناد من الذرعان منزاحه=سودا على بنتها تعرف تهاياها

فجحاً من الساق للوبال لواحه=غريبة اللون تفرقها بسمراها

ملحاً تسربل بزين المشى مرتاحه=يسبح ذهنك بصورتها وممشاها

لاحذفت راهى الأشناق شواحه=هزعى العرقيب غاية من تمناها

خفقاء اللواحى عريضة خد مطواحه=أمشرهفة لأذن والزين يتغر شاها

واسع نحر لأوحت الهوبال فداحه=للحوض تدحم بيسراها ويمناها

يازينها وسط قفر غادى واحه=فيه أم سالم تجر الصوت بغناها

فى نقرةٍ من خليط العشب فواحه=وإلا ليا روحت من راس مفلاها

تشرب زلال الغدير وترشح ضحاحه=تشعا المولع بحب البل ويشعاها

يقدر لها التاجر اللى يرصد أرباحه=وإلا مقل العرب ما هوب وياها

لا شافها يشغل الناس بتلحلاحه=ويجنب لغيرها لو كان يبغاها

ما هيب دناء تقاصرها بدوباحه=ولا هيب زقما تسد النفس برغاها
هذيك تطلق عليها الناس جوباحه=مستبرماً وجهها كنه مقفاها

تكسر شنار الهشاش وتدمر مراحه=ياعزتى للعديم اليا تضواها

والزين يعشق بعد شقحا ومضياحه=وضحا تردد على الأسماع طرياها

وصفراً تصاغى دقاق الشول ولقاحه=يازين طرخمة الصفرا يامحلاها

وشعلٍ ليا شاشها المطنوخ بصياحه=كن السباع الضوارى تنهش أتلاها

البل سفاين ظهور البيد شلاحه=يابعد مصباحها يابعد ممساها

والمراجل من قديم فابل وفلاحه=وإنا هل المجد والثنتين أخذناها

دايم زمام المكارم نلبس وشاحه=وأهل الوفا تنعرف لو ما مدحناها

كل القبايل ببحر الطيب سباحه=والمرجله غبه ما يلحق أقصاها

والطيب قفلٍ يحوش الفذ مفتاحه=والطايله ما تجى له كان ما جاها
[/poet]

تقبلو تحيات اخوكم على التميمى

الاخ علي التميمي

سلمت يمينك ولاهنت على نقل هذه القصيدة الرائعة

للشاعر المعروف دسمان بن مناحي السبيعي

وتقبل اطيب التحايا

أخوك

مشكووور اخوي علي التميمي على النقل


وصح لسان الشاعر دسمان السبيعي

للرفع للاستمتاع

مغليك

مشعل اليامي

الاخ علي التميمي
أرررررررح والله يحيك
جزلة وراعيه وافي
سلميت يمينك على النقل وصح لسان الشاعر
تقبل تحيات
أخوك

مشكوور اخوي علي التميمي على النقل


وصح لسان الشاعر دسمان السبيعي

ارحب ياعلي


وصح الله لسااااااااااان قايلها


عزالله انه اجاد الوصف وعز الله انه بدوي


لاهنت


اخوك

وعليكم السلام ورحمة الله وبركاته

صح الله لسان الشاعر

وبيض الله وجهك على ذا النقل الطيب