|
الفزعه يا اخوان بالرأي بسم الله الرحمن الرحيم الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين عندي ناقه مموت العام والسنه هذي جسرت اجسره قويه واضربها الفحل اكثر من مره ولم تعشر ثم نظفت الرحم بالزيت والملح مع العلم انني لم اجد في الرحم اي شي وبعد التنظيف قامت الناقه معشر من حالها والفحل ما عاد يبيها واستمرت على هذي الحال ثم نظفتها مره ثانيه بالماء والملح وقليل من الجاره وما تزال على حالها تشاول,مشاول قوي وتوزر مع ركز الراس بقوه والفحل ما عاد يبيها وش رايكم يا الربع |
اخوي سالم تقول الناقة معشر ثم تقول نظفتها مره ثانيه بالماء والملح وقليل من الجاره .وهي معشر مافهمت ? بس المهم ان البعير مايبيها والناقة تشاول فالناقة انشاء اللة معشر .وكم حسبتك للعشار الان تبين المعشر في 9 و8 ايام والشتاء فيه النوامات تبين المعشر في 18 الى 21 يوم . |
اخي العزيز بن عدوه محمد للتوضيح بعد التنظيف مباشره بساعات بدت الناقه تشاول كانها معشر وللمعلوميه للمشكله هذي ثلاث شهور وارجو اان تقراء الموضوع مره اخرى وسلامتك |
اخي الكريم اتوقع مشكلة الناقة من خلطاتك اللي انت حطيت في بطنها واللي اظنها سببت لها مشاكل بدال ماتعالج انصحح تعالجها بادوية طبية بحيث تغسل بطنها بمحلول طبي خاص وتضع فيه حبوب مضاد حيوي خاصة للرحم مع اعطائها 5سم ابرة اليسرة Estrumate واعادة الجرعة بعد 11 يوم ثم عرضها على البعير بعد 3 ايام تقبل تحياتي |
للاسف الشديد ان التنظيفلبطن الناقه بالجره يؤدي الى التهاب شديد وكذلك الملح اذا استخدمنا كميه تزيد عن الحاجه في هذه الحاله يجب ان يقوم طبيب بيطري باعطاء الناقه مضاد حيوي وبجرعه عاليه وافضل terramycin وبعد ذلك يمكن اعطائها ماذكره الاخ مبارك |
اعرضة على جمل ثاني واذا شمة خلاص راح يضربها اذا لم تكن معشر ولو شاولت واذا لم تعشر اعسلها بما وديتول بالحقن بمحقان ولي لداخل الرحم . |
| الساعة الآن 05 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |